TAGUM CITY -- Anaa sa halos singko mil ka mga scouts gikan sa nagkadaiyang tunghaan ug dapit ang misalmot sa 2nd Tagum City Scouting Festival, uban sa temang “Commitment to Excellence.”
Ang usa ka bulan nga aktibidad gisugdan Oktubre 2 sa parada gikan Rotary Park ngadto City Hall of Tagum asa gihimo ang formal opening ceremony.
Mga Tagumenyo scouts nga may nagkadaiyang edad misalmot sa lain-laing scouting activities, Oktubre 19, diin ang Kid ug Kab scouts misalmot didto sa Energy Park sa Kid and Kab Sayahan.
Mga scouts mipakita sa ilang talento sa yell competition, parlor games ug uban pa.
Samtang mga hamtong nga scouts mipakita sab sa ilang talento sa talent competition nga gihimo sa CityMall.
Pagka-gabii, ang boy scouts, senior scouts, ug rover scouts nagtigum palibot sa campfire sa Tagum City’s E-park inubanan sa Scout Palabas.
Luyo sa Scouting drills ug Skill-o-Rama anaa sab ang Scouts Adventure Race, diin apil dinhi ang balancing games, water fun games, rappelling, treasure hunt, compass direction, ug uban pa.
Ang Tagum City Scouting Festival, nagsilbing venue sa Tagumenyo scouts nga mapakita ang ilang kontribusyon sa scouting.
Ginahimo kini matag tuig sa Tagum City Council sa Boy Scout of the Philippines, diin Chairperson si Tagum City Mayor Allan Rellon. (PR)