DEAR Noy Kulas,
Maayong adlaw kanimo. Itago lang ko sa ngan nga Dee, 29 years old, taga Cebu. Kining akoang problema kabahin ni sa akong tulo ka uyab, ang duha naa sa abroad while ang usa naa ra diri.
One ani nila four years na nakong uyab ug nagtrabaho na sa abroad kay gusto siyang makatigom mi alang sa among future. Pero wa siya makahibawo nga nakauyab ko og duha nga ang usa naa ra diri ug maoy close nako karon. Actually, mas na in love ko aning akoang present nga naa ra diri kay sa akong first girlfriend kay sa naa sa abroad ug sa ikatulo nga toa gihapon sa gawas.
Nilang tulo, kaning naa diri maoy pinaka simple og nawong ug barog pero mas ganahan ko sa iyang personality kay humble but very strong personality. Mao ra ni siya ang makaako og sukol nako kon di siya makauyon sa akong gibuhat. Ang nakanindot sa usa nga toa sa abroad kay kusog modatung while ang akong first girlfriend naa na mi bank deposit ug ginagmay nga negusyo para di na siya mobalik pa sa abroad.
Karon naglibog ko kay ang akong first GF moabotay. Unsa kaha ang akong buhaton? Taas na ra ba kaayo siya og expectation. Di ko ganahan nga masakitan siya.
Dee
Dee,
Lisod kaayo ang pagpili og kinsa ang imong minyoan kon ako ang mo-decide para nimo. But makahatag ko nimo mga giya unsaon. Pangutan-a ang imong kaugalingon kon unsa ang imong gipangita sa usa ka babaye nga sa imong tan-aw angay nga himuong asawa? Unsa usab kaha ang imong mamahimong future kon usa nila ang imong pilion? Unya kinsa man ang mas labing bug-at nila alang nimo? Timan-i usab nga importante ang pagpili sa usa ka partner nga maka stable sa imong future, di kay ibase lang nimo ang tanan sa personality ug sa imong na-feel.
Basin naingon ana ang imong feeling sa imong first girlfriend tungod kay layo siya samtang naa ra diri kanang ikatulo. Mo-matter ra ba ang proximity sa feeling. Mao bitaw na nga alkanse ang layo sa duol. Mao sab ni ang hinungdan nganong daghang mga pamilya sa overseas Filipino workers nga nabungkag.
Ayaw pagdali-dali. Timbanga og maayo kon kinsa nila ang imong pagapilion. If naa ka nay desisyon, be honest nila. Tug-an sa tinuod.
Noy Kulas