Albor: Bunga sa pakigsuod

DUNAY nasod nga misaway ni Pres. Rodrigo Duterte apan dunay miila sa iyang tinguha pagpalambo sa diplomatikanhong relasyon.

Giamigo bisan ang karibal nga nasod. Ang tabang gikan sa kanasoran maoy bunga sa pakigsuod. Chinese Pres. Xi Jinping mitabang sa gubat sa Marawi lakip sa 1.15B pesos rehabilitasyon, 47 ka sets nga heavy equipments, 6,000 assault rifles, 100 sniper rifles, 9.5B pesos sa enerhiya, turismo, inprastraktura, agrikultura ug panglawas, mobutang og telcos, 24M dolyares investment, motukod og railways, ports, roads ug industrial parks. Russian Pres. Vladimir Putin mitanyag nga himoong OFW destinations human mios-os ang panginahanglan sa Middle East gumikan sa pagkatibugsok sa bili sa lana, donasyon nga 20 ka military vehicles, 5,000 assault rifles, 5,000 steel helmets ug 1M nga bala. Malaysian Prime Minister Mahater Mohamad subling mitimaan pagpakigbatok sa terorismo, paghunong sa rice smuggling ug paglig-on sa depensa. Indonesian Pres Joko Widodo miabaga sa naval, maritime ug air patrols. Sultan Hassanal Bolkiah sa maayong negosasyon sa kagubot sa West Phil. Sea. Japan Prime Minister Shizo Abe misuporta sa gubat sa Marawi, 8.8B dolyares assistance, 9M dolyares inprastraktura, 6B dolyares private investment ug 288B pesos business deals ingon man nagtubo ang mahigalaong relasyon nila ni Emperor Akihito ug Empress Michico. Korea pinaagi sa embahada midonar og 5M dolyares para bakwit sa Marawi ug giamigo sila si North Korean Pres. Kim Jong Un ug South Korean Pres. Moon Jae-in. US Pres. Donald Trump misagop sa kamahinungdanon sa alyansa nunot sa panag-abot sa Asean Summit sa Pilipinas ug Apec Summit sa Japan, miabag og 15M dolyares sa Marawi war. Nakakuhag 925M dolyares investment nga makahatag og trabaho sa 62,000 ka mga Pilipino sa pagbisita ni Duterte nila ni Prime Minister Salman bin Abdulaziz Al Saud sa Saudi Arabia, Al Khalifa bin Salman sa Bahrain ug Emir Hamad bin Khalifa Al Thani sa Qatar. Malamboong kasabotan sa Pilipinas tali nila ni Prime Miinister Benjamin Netanyahu ug Jordan King Abdullah II kabahin sa trade ug bilateral relations, investment, labor, security, defense ug kabulahanan sa OFW’s. Singaporean Pres. Halimah Jacob subling mitakgos sa diplomatic relations nga isip largest foreign investor sunod sa China mobubo og 560M dolyares nga investment. Ubang kanasoran gikatakdang adtoon alang sa kalibotanong pakigsuod.

Sa panagtakgos sa kanasoran dakog ikatabang ilabina sa mga katalagman. Dugang kini sa gibugkos nga relasyon sa UN sa 1945 nga 193 ka nasod, SEATO sa 1954 nga siyam ka nasod, ASEAN sa 1967 nga 10 ka nasod ug APEC sa 1981 nga 18 ka nasod. (csa_1156@yahoo.com / 09064648954)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph