DUGAY nakatuo si Kim (tinuod ngalan gitago) sa di maayong balita gikan sa iyang doctor, atol mismo sa iyang adlaw’ng natawhan, nga duna siyay stage 4 cancer sa iyang kidney. Wa siya magdahom kay himsog man tan-awon iyang lawas ug maayo man sab iyang pag-atiman sa kaugalingon.
Kining duha nato ka kidney dunay dako og importanting trabaho sa atong lawas kay kini man maoy motangtang o sala sa mga hugaw ug subrang likido sa lawas. Kini sab maoy mopadagan sa mga hormones nga maoy mopadaghan sa red blood cells nga makatabang sa insaktong pagbumba sa pressure sa dugo. Maong angay kining atimanon.
Imong mahibaw-an kung ang kidney wa na magtrabaho og insakto kung makasinati og problema sa panlawas labi na sa pagkatulog kay ang mga toxins o hugaw sa atong dugo di man ka gawas. Kung kini di ma-agapan dilikadong ma putol-putol o ma undang sa makadiyot (mga duha ka segundo ngadto sa usa ka minuto) ang pag-ginhawa sa imong pagkatulog (sleep apnea) o ba kaha migraine o grabing labad sa ulo og pangapoy sa lawas kay nagkuwang man sa EPO kon Erythropoietin nga hormones nga maoy mo padaghan sa red blood cells.
Mao sab ni rason nga kung magkuwang ang red blood cells og oxygen, kanunay makasinati og tumang ka kapoy sa kaunuran ug utok nga posibling mapa-ingon sa anemia nga sakit unya mag hangos na ug maglisod sa pagginhawa.
Ang pag-ihi nga dunay dugo signos sab nga nagda-ot ang kidney labi na og duna kini bato maong kung ma usab gani ang kolor sa ihi, magpa konsukta gilayon sa mananabal aron ma agapan og sayo.
Ang pag-uga ug katolkatol sa panit indikasyon sab nga nagkabuang na ang kidney kay wa nama’y makasala sa hugaw nga naa sa dugo.
Ang uban sab mawad-an og gana sa pagkaon unya makasinati og kasukaon.
Kumon sab kining memory loss maong mahikalimtanon na labi na kay di naman ka bumba og insaktong dugo ug oxygen paingon sa utok.
Ang sakiot sa kidney gitawag og sakit sa dato kay kung way kwartang ikatambal, delikadong sayo sab ma impas.