NIPASALIG si Lapu-Lapu City Mayor Junard Ahong Chan ngadto sa mga negosyante o investor sa dakbayan nga dili sila lisudlsuron sa ilang transaction sa city hall aron mahimong business-friendly ang Lapu-Lapu.
Samtang, ang reclamation project sa coastal area mahatagan og katumanan pinaagi sa buhis nga binayad.
Kini maoy gisaad ni Chan aron sa paghatag og pasidungog sa mga Top Taxpayer sa Lapu-Lapu kagabii, Nobiyembre 7 sa Hoops Dome, Barangay Gun-ob.
Iyang gipaabot ngadto sa tanang magbubuhis sa Lapu-Lapu ang ilang gibayad magamit sa pagpatuman sa programa ug proyekto diin unang maka-benepisyo ang matag Oponganon.
Usa sa mga proyekto nga gitinguha sa dakbayan mao ang reclamation project sa coastal area nga nag-atubang sa Mactan Channel pinaagi unysa sa Private-Public Partnership (PPP).
Gawas nga maghatag og developmental expansion ang reclamation mamahimong kining sulbad sa nagkahuot nga trapiko pinaagi unya sa coastal highway.
Samtang gipanawagan sa mayorkadtong delinquent taxpayers nga bukas ang iyang buhatan aron nga paghusay sa ilang buhis nga nataligam-an o napakyas sa pagbayad.
Niining bag-ong administrasyon sa pagpahatag sa tinuig nga pasidungog sa mga magbubuhis gibahin sa upat ka mga kategoriya nga gilangkuban sa: Individual – business ug lain ang realty tax; corporate – business ug realty tax.
Tungod kay alang ni Chan dili lang ang mga dagkong negosyante ang pasidunggan sanglit nakatampo sab ang mga gagmayng negosyante.
Ang kompletong listahan sa Top 10 awardees sa corporation - realty tax: GMCAC, Megaworld Corp., Shangri-La’s Mactan, Viscal Development Corp., Knowles Electronics (Phils.) Corp., Filinvest Land, Inc., Phil. BXT Corp., Tai-Pan Development, Inc., Waterfront Mactan Casino Hotel, Inc. ug Goldland Phils. Corp.
Top 10 corporation – business tax: Adventenergy Inc., Shangri-La’s Mactan, Lear Automotive Services, Taiyo Yuden (Phils) Inc., Fairchild Semiconductor, GMCAC, Freemont Foods Corp./Jollibee, Sanford Marketing Corp./Savemore, Marina Mall, J.S. Unitrade Merchandise Inc., ug General Milling Corporation.
Top 10 individual – realty tax: Ishmael Limkakeng Jr., Roman & Rosario Ronquillo, Mario & Cecilia Rizon, Michael Gleissner, Mariano & Conchita Go, Augusto Go, Hwy Chang Park, Celsa & Peter Stiegler, Alison Prestegarden ug James & Salud Young.
Top 10 individual – business tax: Cyrus Obsuna, Our Lady of the Rule Maternity and General Hospital, Aurora’s Restaurant, HWY Coffee, Easy Gas Convenience, Sta. Rosa Property Ventures, New Opon Commercial, Vineyard Construction, T & P Enterprises ug Susan Claire’s Lechon House. (FVQ)