ANGAYAN nang moretiro si Nonito “Filipino Flash” Donaire human sa unanimous decision nga kapildihan niini batok kang Japanese “Monster” Naoya Inoue sa final bout sa World Boxing Super Series banamweight division sa Japan.
Mao kini ang panglantaw sa bantugang boxing commentator nga si Ed Tolentino.
Sa edad nga 36, nagkanayon si Tolentino nga tataw’ng nikunhod na ang abilidad ni Donaire ug nakita kini sa iyang pagpakig-away sa mas batan-on ug mas abtik nga si Inoue.
Matod ni Tolentino kon nagkakrus ang dalan sa duha ka mga boksidor kaniadto, iyang pangagpas nga dili makadaog si Inoue batok kang Donaire, kinsa usa ka five-division world champion.
Giklaro ni Tolentino nga wala’y angayang ikauwaw si Donaire kon moretiro kini nga pildero gumikan kay wala na kini angayang ipamatuod pa.
“Father Time has caught up with Nonito, but there is no shame considering the effort he gave against Inoue,” pasabot ni Tolentino.
“Donaire’s legacy is secured and this fight with Inoue may be the perfect swan song, him giving it his all and handing the young Inoue his toughest battle.” ESL