Gisugdan na og salida sa pipila ka mga sinehan ang walo ka mga opisyal entry sa Cinema One Originals Film Festival.
Unang entry mao ang pelikulang “Lucid” nga may pagka-misteryuso kay mahimong makontrolar sa bidang Alessandra de Rossi ang iyang mga mahimong damgo. Maka-ila niya sa iyang damgo si JM de Guzman. Kon unsay mahitabo sa duha tan-aw sa “Lucid” sa direksyon ni Victor Villanueva.
Samtang ang “Tayo Muna, Habang Hindi Tayo” usa ka romantic comedy diin ang mopakilig nato silang Jane Oineza ug JC Santos.
Ang ikatulo gikan sa direksyon ni Eve Baswel ang horror movie nga “Tia Madre.” Masaksihan sa usa ka batang si Jana Agoncillo ang makahadlok nga kausaban sa iyang inahan Cherie Gil.
Ma-aksyon sab ang hatud kanato sa “Utopia” nilang Dustin Celestino, Enzo Pineda, Vin Abrenica, Joem Bascon ug Aaron Villaflor.
Ang ikalimang entry ang “Sila-sila” nga para sa “LGBTQ Community.”, si Gio Gahol ug Topher Fabregas ang bida sa direksyon ni Giancarlo Abrahan.
Nindot sab ang istorya sa “Metamorphosis” bahin sa 14 anyos nga si Gold Aceron sa papel ni Adam nga may duha ka sekswalidad. Ang J.E. Tiglao film gibituonan nilang Ricky Davao, Yayo Aguila, Ivan Padilla ug uban pa.
Ang ikapito mao ang “O” ni Kevin Dayrit nga sugilanon sa usa ka intern sa morgue nga si Anna Luna nga nakahimamat og usa ka bampirang si Sarah Carlos. Kauban nila dinhi si Lauren Young ug Jasmine Curtis Smith. Ug ang ikawalo ang light comedy movie nga “Yours truly, Shirley” nga bituonan ni Regine Velasquez isip byuda nga maibog sa batan-ong Hashtag member Rayt Carreon.
Giklaro ni Regine nga wa gyud siya mag-expect og award kay wala niya gi-consider ang iyang kaugalingon nga mahimong aktor, ay’g saba!