SUPERBALITA CEBU

Tanang mga pasahero sa fastcraft nakauli na

NAKAULI na sa ilang tagsa ka mga dapit ang mga pasahero sa nalunod nga MV Siargao Princess niadtong Huwebes sa buntag, Nobiyembre 7, samtang naglawig gikan sa Loon, Bohol paingon unta sa Sibonga sa hagabatang bahin sa Sugbo.

Matod ni Coast Guard District Central Visayas spokesperson Lieutenant Junior Grade Michael John Encina nga ila nang nahatod sa Sabado, Nobiyembre 9, ang labing uwahing batch sa mga pasahero ngadto sa Tagbilaran City, Bohol. Ang uban nga nikanaug sa Sugbo ila usab gihatod sa Oslob, Santander ug Dakbayan sa Lapu-Lapu.

“So, lahat ng pasahero namin is nahatid na po natin sa kani-kanilang tahanan. Binigyan po namin sila ng damit. CG po ang nagbigay sa konting makakain,” saysay ni Encina.

Ila na usab nahatod sa ilang tagsa-tagsa ka mga balay ang tulo ka mga pasahero nga nilangoy padung sa baybayon sa Carcar.

Anaa na usab kini sa maayo nga kahimtang ug aduna lay gagmay nga mga samad nga ila usab natambalan.

Ang fastcraft dunay 63 ka mga sakay, 56 niini mga pasahero samtang pito mga tripolante.

Ang 54 sa mga pasahero maoy nalista samtang ang laing duha wala.

Dungag ni Encina nga sa ilang pakighinabit sa kapitan sa fastcraft nga si Antonio Conag, ilang nasayran nga nasudlan og tubig ang atubangan bahin sa fastcraft tungod sa kusog nga hapak sa bawod.

Si Encina nipasabot nga gitugtan sa CG sa Bohol ang fastcraft nga makalawig sa Catagbacan Port sa Loon kay maayo ang panahon.

Wa usay giluwatan nga gale warning ang Philippine Atmospheric Geophysical Astronomical Services Administration (PAGASA).

Ang Maritime Industry Authority (Marina) nag-imbestigar na usab samtang gihuwat pa ang marine protest. JCT


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph