SUPERBALITA CEBU

Mayor Apura gihangyo sa stall owners

File Photo

TULO sa upat ka mga mamaligyaay og lechon sa Carcar City nihangyo kang Mayor Mercedita Apura nga makaablig balik sa ilang mga tindahan nga gipasirhan sa mayor tungod sa mga kalapasan nga nahimo niini.

Ang mga stall gipasirado niadtong Biyernes sa hapon, Nobiyembre 8, sa mayor human nasuta nga adunay daghang mga kalapasan ug mga reklamo sa mga mamalitay.

Matod ni Apura nga nakighinabi niya mga mamaligyaay ug nihangyo nga pwede ba sila makaabli sa di pa ang Disyembre.

Apan iyang giklaro nga wa siya mosugot sanglit angay kini silotan tungod sa bati nga binuhatan ug mga kalapasan niini.

Matod niya nga di na sila makabaligya sa maong mga stall.

Nangayo usab kini og pasaylo sa nahitabo ug nisaad nga di na nila buhaton og balik.

Apan niingon si Apura nga mas maayo nga kini masilutan.

“Ingon ko nila nga wala na tay mahimo. Inyo naman gyud gibuhat. So, lesson na ni ninyo. If ever naay higayon nga ihatag ninyo, ayaw gyud ninyog usiki,” matod niya sa Superbalita Cebu.

Niingon ang mga mamaligyaay nga sila mobayad gihapon sa ilang mga bayranan sa ilang permit karong 2019.

Niadto usab ang mga mamaligyaay og mga isda ug karne nga apil usab sa mga gisirado tungod sa walay business permit.

Iya kini gitagaan og usa ka semana aron lihukon ang ilang tagsa-tagsa ka mga permit. JCT


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph