Grabeng kadaut sa ulo ug lawas ang namatyan sa usa ka 47 anyos nga ginang human nadasmagan, napasok ug naguroy sa tourist van niadtong Biyernes sa alas 9:30 sa buntag sa Brgy. Talisay, lungsod sa Santander, habagatang Sugbo.
Si Dolores Bustillo, 47, minyo, kabatang, napasok sa tourist van nga gimaniho ni Lloyd Luven Sumalinog, 28, taga Brgy. Cabalawan, lungsud sa Sogod.
Si Police Master Sgt. Anthony Aba, sa Santander Police station nga nahinabi sa Superbalita Cebu, nibutyag nga ang tourist van kusog og dagan gikan sa dakbayan sa Sugbo paingon sa lungsod sa Moalboal.
Nilabang si Bustillo hinungdan nga nadasmagan, napasok sa ilawom ug naguroy sa van og mga 60 metros. GPL