ANG mga miyembro sa Japan-East Asia Network of Exchange for Students and Youth (JENESYS) 2016 Batch 9 ug The Japan Foundation, Manila mopahigayon sa ikaduhang tuig sa “Sulong Dunong” karong adlawa, Nobiyembre 11, sa University of Science and Technology of Southern Philippines sa Cagayan De Oro (CDO) City.
Ang Sulong Dunong usa ka film showing ug panel discussion project nga kabahin sa aksyon sa grupo human sa ilang 10-day study trip sa Tokyo, Fukouka ug Nagasaki, Japan niadtong Mayo 2017.
Gipaabot nga 100 ka tinun-an ang motambong sa kahilohan.
Uban sa kaayo sa The Japan Foundation, Manila, ang pasundayag sa kalihokan ang “Dad’s Lunch Box,” usa ka pelikula nga nagpresentar sa panagsuod sa amahan ug anak nga babaye pinaagi sa matag adlaw nga paghimo og bento box.
Ang pelikula ubos sa direksiyon ni Fukatsu Masakazu ug nakadawat og pasidungog sa 2017 San Sebastian Film Festival, Culinary Zinema ug 2017 Silk Road International Film Festival, Japan Film Week.
Si Raven Alla, Batch Sulon 9 representative, niingon nga responsibilidad sa pagpakaylap sa inter-cultural understanding nga magpadaon bisan human sa formal program.
“It is crucial that as culture ambassadors, we make it as a responsibility to pay it forward by letting other youth experience what we have experienced. Not all can go to Japan and immerse in the culture but with films and discussions, we can always cascade our learnings to others,” matod ni Alla, kinsa 19 anyos dihang naapil sa programa.
Si Alla, kinsa taga Cagayan De Oro City, nigraduwar gikan sa Ateneo De Manila University naidtong 2018 uban sa degree in Economics usa ka tuig human niapil sa programa.
Ang Batch Sulon9 usa sa pipila ka Jenesys alumni nga nagpadayon sa pag-organisar og mga kalihokan sa pagpalambo sa global understanding sa Japan’s economics, society, politics ug foreign affairs.
Sa wala pa ilusad ang Sulong Dunong, ang mga batan-ong propisyonal sa batch nipatuman usab sa “Stories and Arts” outreach activity sa Batangas Medical Center sa Batangas City alang sa mga bata nga nag-antos sa sakit nga cancer nga nasulod sa naasoy nga ospital. (PR)