ARON makutaw ang huna-huna sa mga avid reader sa Superbalita kinsa kining new female singer nga nominado sa usa sa mga category sa ipahigayon nga awarding ceremony karong Enero 2020.
Super excited si female singer kay first time niyang ma-nominate sa maong pasidungog.
Mao nang nag-prepare na siya physically bisan nga duha ka buwan gikan karon ang gikatakdang awarding.
Nagpatahi na siya og nindot kaayong gown sa usa sa pinaka-sikat nga fashion designer, gani nahuman na og tahi ang maong gown og panay ang iyang pagsukod-sukod atubangan namo kay di mahimutang sa awards night.
Og Manay Flor, nagpa-retoke siya og ilong para pagpunta niya sa awards night , super pretty siya.
Goodluck sa imo, hija.
Sa laing bahin, unyang gabii, may award akong dawaton sa Marco Polo Hotel, I will tell you next issue na lang sa mga kaganapan.
Sports minded ang anak ni Maye.
It’s nice to know nga bisan og gamay pang bata si Derrell Dean Ypon, anak sa sexy star nga si Maye Tongco hilig niya ang sports.
In fact, sa fiesta sa Lapu-Lapu City adunay Derrell Dean Volleyball Team og matud pa ni Maye wala pa kuno makatilaw og pilde ang team Derrell Dean.
“Mukhang suwerte siya Tito, mukhang mag-i-excel siya sa sports,” matud pa ni Maye.
Tama tungod kay nakita ko sa FB posts ni Maye si Derrell Dean nga naggo-golf. As this early, nahilig na ang bata sa paugnat sa kusog.
Sa laing bahin, sa dihang na-interview ko si Maye a few months back sa Manila, that time nag-workshop siya under Ogie Diaz kay gusto niyang mobalik sa showbiz.
Natapos niya ang workshop pero morag nagbag-o og desisyon si Maye og nibalik siya sa Cebu.
That time man gud, medyo magulo ang utak ni Maye tungod kay masyado niyang pino-problema ang babayeng gustong mobungkag sa maayo nilang panag-uban sa iyang banang si Dax.
Gusto pa gani niyang ipa-Tulfo ang babaye nga iyang gihinganlan og Um-om pero di sinasagot niini ang mga tawag sa Tulfo so wala na masal-ang si Maye tungod kay si Tulfo patas, kung may magsumbong kinahanglang ma-contact sad ang tawong gisumbong para patas.
Gitawgan si Um-om sa mga taga-Tulfo pero nahadlok og wala siya mosugot nga ma phone-patch.