SUPERBALITA DAVAO

Genoguin: Pastor Quiboloy vs Vice Ganda

Ni Al Genoguin

NAG-VIRAL sa social media ang panag-engkwentro nila ni Pastor Apollo C. Quiboloy, founder sa The Kingdom of Jesus Christ the Name Above Every Name ug It's Showtime host Vice Ganda.

Kini tungod lang sa pag-angkon ni pastor Quiboloy sa duha ka linog sa milabay Oktubre 29, ug Oktubre 31 ning tuiga nga siya daw kuno ang nagpahunong.

Matud niya, “Pag-umpisa nang linog, sabi ko Stop! Stop! O di nag-stop din? Pasalamat kayo sa akin kung hindi ko pinahihinto ang lindol maraming mamatay sa inyo kaya dapat kayong magpasalamat sa akin”. Kini ang iyang gisulti nga gikutlo nato sa social media.

Duna ko'y suod nga amigo nga nag-ingon, tungod kay gi-angkon man ni pastor Quiboloy nga siya daw ang tag-iya sa atong mga kalag, ug siya daw ang tag-iya sa kalibutan, sa diretsahan nga pagkasulti siya si Hesukristo? Ug kon siya si Hesukristo nasayud siya sa mga panghitabo sa tibuok kalibutan.

Pero, nganong wa man niya mapa-stop, ang linog sa nasud sa Japan nga miresulta sa tsunami? ug daghang mga tawo ang nangamatay? Dili ba ang Ginoo nasayud man bisan pa sa hunahuna sa tawo? Nasayod siya sa linog sa Japan pinaagi na sa mga balita sa radio ug telebisyon.

Kini pangutana lang, kay kon ikaw ang tag-iya sa kalibutan nasayud ka’s mga panghitabo niini? Ug imong pahunongon ang mga dagkong katalagman aron nga walay mga kinabuhi nga makalas diba?

Kon inyong namatikdan sa mga komento sa social media, naluoy ta niya kay puro mga yaga-yaga ang iyang naani, bisan mga gagmay nga mga bata mitabang na sa pagyagaya, kay kitang tanan pulos man gyud nagtuo nga walay ordinaryong tawo nga makapahunong sa bagyo ug linog kay iya lang na sa matuod nga Diyos nga dili makita nga maoy tinuod nga tag-iya sa atong kalag ug tag-iya sa kalibutan, ug dili ang ordinaryong tawo nga sama kanato.

Karon ari kita sa engkwentro nila ni Pastor Quiboloy ug TV host nga si Vice Ganda likayan nato ang pag-ingon nga nasayup si Vice Ganda kay lisud nang manghukom ta’s atong isig-kaingon.

Pero sa ako lang obserbasyon mura og dili to dapat himuon ni Vice Ganda ang pagkomento diha sa iyang programa sa television sa SHOWTIME kay purely entertainment na siya, tingali sa laing venue pwede, dili sa showtime.

Na-igo na hinuon sa widening ang ABS-CBN Network, kay matud pa ni Vice Ganda gusto niyang pahunongon ni pastor Quiboloy ang teleserye nga probinsiyano ug labaw sa tanan ang traffic sa Edsa.

Gi-accept raba ni pastor Apollo Quibuloy ang challenges dili lang teleserye nga probinsiyano, hasta ang ABS-CBN network pahunongon, kay upat nalang biya ka bulan ang franchise sa maong network mag-renew na karong bulan sa Marso tuig 2020.

Malakas raba ning maong pastor sa atong Presidente Rodrigo Duterte, kay usa niya ka paghunghong sa presidente nga ipahunong ang Kabus Padatuon (KAPA) nahunong biya.

Hala, basig palagputon sa ABS-CBN si Vice Ganda kay maoy nagdalag tigaw? Aw, maghulat lang og unsay sunod nga panghitabo niining isyuha.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph