IGACOS, Davao del Norte - Nagbangutan sa tumang kasubo ang pamilya sa usa ka ulitawo nga nag-unay paghunos sa iyang kinabuhi didto sa Purok 6, Barangay Libuak, Babak District alas 8 sa buntag, Biyernes.
Ang biktima giila nga si Andre Bansi, 27-anyos, ulitawo, ug molupyo sa nahisgutang dapit.
Subay sa report, ang biktima napalgan sa iyang apohan nga babaye nga si Flora Barteng Bansi, 76-anyos nga nagbitay sa punuan sa Mangga.
Base sa imbestigasyon sa Igacos PNP, ang biktima nagmasulub-on gumikan sa problema sa pamilya.
Wala'y nakit-ang foul play ang kapulisan sa kamatayon sa biktima.
Ang patay nga lawas sa biktima gihaya na sa Montano Funeral Homes sa Barangay Villarica, Babak District, Samal.