USA ka absent without leave (Awol) nga sergeant sa Philippine Air Force (PAF) nakuhaan og shabu sa checkpoint sa kapulisan sa dakbayan sa Mandaue niadtong Biyernes, Nobiyembre 8.
Si Randolf Garcia, 37, taga Labangon, siyudad sa Sugbo, giingong usa ka sakop sa PAF, nakuhaan og usa ka pakite sa gituohang unom ka gramong shabu nga balor P15,000 atol sa checkpoint sa dan M. Logarta, Barangay Subangdaku.
Ang suspek gitanggong sa Mandaue City Police Office (MCPO) Station 2.
Samtang sa samang dapit, napulo ka mga lalake ang nakuhaan og gituohang shabu atol sa checkpoint sa MCPO Station 2 niadtong Sabado, Nobiyembre 9.
Ang mga dinakpan mao sila si Ariel Sanchez, 23; Raffy Carbonera, 29; Eduardo Dizo Jr., 39; Bartazan Diego, 44; Eugene Cortez, 27; Oscar Enecio, 27; Jenieve Klien Perez, 29; Rolando Bacayo Jr., 25; Carlos Patalinghug III, 38; ug si Jeremy Suano, 25. (KFD)