GIHULAGWAY sa komunidad sa mga magpapatigayon nga usa ka inspirasyon ang Sugbuanong tycoon nga si John Gokongwei, Jr. o mas nailang 'Mr. John' nga nitaliwan na sa laing kinabuhi sa edad nga 93 niadtong Sabado, Nobiyembre 9, alas 11:41 sa gabii sa Manila Doctor’s Hospital.
Si Stanley Go, presidente sa Mandaue Chambers of Commerce and Industry (MCCI), nagkanayon nga magul-anon nga balita nga sila nawagtangan og kauban ug usa ka inspirasyon sa tanang magpapatigayon dili lang sa Sugbo, apan sa tibuok nasod.
Si Gobernador Gwendolyn Garcia nipadayag sa iyang kasubo sa pagpanaw sa iyang gitawag nga garbo sa Sugbo.
"We extend our heartfelt condolences to the family of John Gokongwei, Jr., an inspirational visionary, gamechanger and icon. Above all, he was a great Cebuano who never forgot his Cebuano roots, epitomizing genuine Cebuano pride. Truly, a Garbo sa Sugbo," matod ni Garcia.
Si Cebu City Mayor Edgardo Labella nagkanayon nga "On behalf of the Good People of the City of Cebu, I sincerely extend my deepest condolences to the Gokongwei family in this moment of sadness for the passing of Mr. John Gokongwei, Jr."
Si Labella miduyog sa kasubo sa iyang pamilya labi na ni sa iyang asawsa nga si Mdm Elizabeth ug mga anak nga sila si Lance, Robina, Lisa, Faith, Hope ug Marcia.
"The City of Cebu grieves with you as we stand grateful and proud that the name of our city, 'Cebu' will be etched forever in the annals of history in the aviation industry - Cebu Pacific being known not only in the country but all over the world," dugang ni Labella.
Dako ang respeto ni Labella kang Gokongwie, Jr. sa tanang aspeto sa kinabuhi gikan sa negosyo ngadto sa pagkapilantropo.
Dugang hulagway ni Labella nga si Mr. John, "A consumate leader, a transcendent entrepreneur, an accomplished family man."
Nidasig si Labella sa mga Sugbuanon sa pagsuhid sa kinabuhi ni Mr. John aron paghimo sa Sugbo nga mas malambuon.
Ang taho unang nigawas sa Esquire magazine, usa sa mga publication sa Gokongwei-owned Summit Publishing Company Inc.
“Our beloved husband, father and grandfather John Gokongwei, Jr. passed away peacefully 11:41 pm, November 9th, at the Manila Doctor’s Hospital surrounded by his loved ones. Please pray for the repose of his soul. Details of his wake to follow. Rest In Peace, Mr. John," sumala sa Esquire.
Si Gokongwei maoy founder sa conglomerate J.G. Summit Holdings Inc., niretiro na sa trabaho niadtong 2016 ug nipasa sa liderato sa iyang bugtong anak nga lalake nga si Lance. Siya dunay lima ka mga anak nga mga babaye.
Siya giilang third richest man sa Pilipinas uban sa net worth nga $5.8 billion base sa Nobiyembre 9, 2019 ng talaan, sumala sa Forbes Magazine.
Natawo sa China apan dinhi sa Sugbo nagdako. Sa edad nga 13, siya nakasinati sa pagpamaligya og mani, sabon ug kandila aron pagtabang sa pamilya human sa kamatayon sa iyang amahan.
Namaligya og rubber tires, textiles ug ukay-ukay ug naghimo og corn starch, diin sinugdanan sa iyang pag-umento sa negosyo.
Ang JG Summit nanag-iya sa air transportation (Cebu Pacific Air), retail (Robinsons malls), real estate (Robinsons Land Corporation), tourism (Summit and Go hotels), food and beverage (Universal Robina Corporation), banking, publishing, petrochemicals, ug daghang pang uban.
Si Gokongwei usa ka alumnus sa University of San Carlos (USC), diin siya gihatagan og Doctor of Science in Business and Enterprise Development, Honoris Causa niadtong Enero 2004.(MVI/SunStar Philippines. (JCT, RTF, PAC)