NAKURAT apan, gitataw ni Cebu Archbishop Jose Palma nga gikalipay niya nga gidawat ni Bise Presidente Leni Robredo ang mamahimo nga usa sa mangulo sa programa sa gobyerno nga pagpakiggubat batok gidili nga drugas.
Gihangop Palma ang pagdawat ni Robredo isip co-chairperson sa Inter-Agency Committee on Anti-Illegal Drugs (ICAD). Kini human nga gihatag kini kaniya ni Pangulong Rodrigo Duterte sa miaging semana.
Nilingkud na siya sa usa sa mga panagtigom sa ICAD, diin kusganon niya nga gipahibalo nga dili gikinahanglan nga mopatay alang sa hingpit nga pagpahunong sa pagkuyanap sa ilegal nga drugas.
Dugang sa arsobispo nga nasurprisa siya nga gidawat ni Robredo ang tahas taliwala sa mga panahom sa uban nga usa lang kini ka-trap o laang ni Leni sa iyang pagkadaut sa pulitika.
Apan nagtuo hinuon si Palma nga gidawat kini ni Robredo nga hagit, dala ang pagsalig ug lig-on nga pagtuo nga makatampo kini’g positibo nga panghitabo sa war on drugs.
“On a personal note I am surprise but I am happy that she accepted, I believe, there is a challenge on her, what she can do. But I also would like to believe that it is out of trust and firm conviction that she can do something positive about this war on drugs. And so even her openness, to welcome the probe is already something, and we were thinking even if only her declaration, that the killings should stop, that is already something.” saysay ni bishop Palma.
Dugang ni Palma nga sa deklarasyon niini alang sa paghunong sa pagpamatay, daku na nga tabang nga dunay lain pang pamaagi pag-address sa problema may labot ang gidili nga drugas sa nasud.
Panghinaot ni Palma, dala ang pag-ampo alang sa bise presidente, nga mahimo ug makaya niini ang dakung hagit nga giatubang iIabi na nga managlahi sila og baruganan ni Duterte kalabot sa kon unsaon pagsumpo ang ginadili nga drugas sa nasud.
Way armas
Si Colonel Geovanie Maines, direkto sa Cebu Cituy Police Office (CCPO), dakong uyon sa panawagan ni Robredo nga hunongon na ang pagpatay sa nalambigit sa ilegal nga drugas.
Kung mahimo wala nay kinabuhing makalas sa anti drug operation kung dili lang mosukol ang drug suspects.
Gani mipagawas siyag kamandoan sa iyang mga police nga dili mamusil kung dili sila ang unhan sa pag pusil sa ilang target sa anti drug operation.
“Sino naman ang gustong may patayan, pero alam mo kase yung sitwasyon dyan down the level pag nag operate ang mga tao natin halimbawa buy bust, kung mag resist yung arestohin natin at may baril at puputokan ka ay bakit di mo rin putokan?”, pasabot ni Maines.
Iyang gidugang nga kung tinuod man ang pamahayag sa bise presidente sa social media nga dili na kinahanglan nga magdalag armas ang mga police sa ilang operation matod ni Maines nga usa kini ka dakong binoang ug daw sa nag hikog na ang mga police.
Matod niya nga halos tanang drug personalities ang magdala gyud og armas ug sila usab ang kanunay nga mangunag pamusil sa mga police.
Nag-una gihapon ang kapulisan sa siyudad sa sugbo sa tibuok rehiyon 7 sa mga naka kuhag labing daghang ilegal nga drugas atol sa tulo ka semana nga anti drug operation diin moabot ngadto sa P97.3 million nga balor sa drugas ang tanang nakuha.
Sa datus nga gipakita ang Police Regional Office (PRO) 7 moabot ngadto sa P49.2 million ang nasakmit sa kapulisan sa siyudad sa Sugbo sa P97.3 million nga nasakmit sa tibuok rehiyon 7.
Matod ni Maines nga bisan sa padayon nga hugot nga kampanya sa illegal nga drugas sa nanglabay nga mga buwan daghan pa gihapong supply ang makuha sa dakbayan sa Sugbo. (AYB, FMD)