DEAR Noy Kulas.
Maayong adlaw! usa ko ka liboan nga tigsubay sa imong lindog. Ako si Gerry, 32 ug duna nay kapuyo sud sa unom ka tuig. Usa ko ka technician samtang ang akong kapuyo sud na sa pito ka tuig naa sa call center karon nagtrabaho.
Kining akong suliran lisod kay makalibog unsa ang akong buhaton. Sa among kadugayon, wa pa mi makaanak mao nga wa pa nako minyo ang akong kapuyo. Ganahan ko nga ang akong asawa manganak. Problema niya unsaon pagmabdos kay nagpa check up mi sa doktor.
Ang iyang manghod nasuod nako pero wa mi magpahalata kay magselos unya ang akong partner. Nahitabo ni kadtong gabuwag sila sa iyang boyfriend unya ari siya mosumbong nako. Hangtod nga na-develop ang among feeling ug nahitabo namo pero niresulta kay mabdos siya og three months.
Noy, maluoy ko sa akong partner pero, nangita baya ko og anak kay para nako, mao ni ang proof nga lalake ko. Nindot ang feeling naay magsangpit og papa. Nahadlok ang manghod kay basin patyon siya sa iyang parents ug sa akong partner. Gusto niyang ipakuha ang bata pero wa ko mosugot. Naglibog pa mi karong duha unsa ang among buhaton. Please tambagi ko unsa ang among buhaton.
Gerry
Ger,
Nahinumdom ko sa usa ka bana nga wa sila makaanak sa iyang asawa but, ang iyang sister-in-law ang napamabdusan. Nipiyong lang asawa aron di magubot. Ingon pa sa nakaila sa bana, kaswerte. Usa ra sab hinuon ang anak, wa na masundi.
But kaning inyoha kuyaw tuod ni kay posible kaayong magkagubot mo. Naa say sitwasyon nga sama sa imoha, minyo ang lalake. Iyang napamabdusan ang iyang sister-in-law. Nilayas ang mabdos nga manghod. Nagduda ang asawa nga naay anomaliya ang iyang manghod ug bana apan, wa siyay proof. But na confirm niya gikan sa ilang mga kaila nga mabdos ang iyang manghod ug ang iyang bana maoy amahan. Wa siyay nahimo kay estorya rang tanan, wa siyay proof.
Libre man mong duha kay kapuyo ra nimo ang maguwang. Ang problema ani ang reaction sa pamilya. Aron malikayan ang mas grabeng kagubot, biya sa imong gipuy-an. Sultihi ang imong kapuyo nga mobiya ka. Mao ni ang practical nga solusyon. Kon kaya sa manghod, mahimo ra siyang mosunod puhon. Kani man gud paglikay sa posibleng dinapatay. Mas maayo nang kon sila masayod, wa na mo diha. Moabot ra ang panahon nga kamong duha mapasaylo ra nila.
Noy Kulas