Tagming: Kumon nga sakit sa taga-showbiz
SAKTO ang gisulti ni Dulce nga bisan og mag-sorry na lang unta si Morissette sa publiko sa iyang pag-walkout kay sayop man gyud to iyang gibuhat.
Dugay na ko kabantay aning Morissette nga nausab na. Kadtong nibisita si Morissette nako sa Superbalita office mga September 2013 very humble pa siya ato. Nangayo siya og suporta kay Top 8 pa siya at that time sa The Voice of the Philippines.
Paglabay sa usa ka tuig akong giteksan wa gyud motubag kon wa ko mo-misscall.
Pero dili na kuno si Morissette ang nagkupot sa maong numero kundi ang iyang auntie. Ingnon ra kuno niya si Morissette. Pero wa gyud koy nadawat nga tawag o bisan text na lang.
Sukad ato wa nako uy. Hataghatag og numero di diay motubag.
Di na hinuon ko mahibong kon modako ang iyang ulo kay kumon ning sakita sa mga taga-showbiz. Di lang sa mga singer kundi hasta sa mga artista ug bisan sa mga talent manager.
Associate Director
Apan niay talent manager sa Sugbo nga nagpabiling humble ug buotan luyo sa iyang mga blessing ug success.
Kay ang nidaug nga “Mrs. Philippines World 2019 first runner-up” nga si Aida Patana maoy gitudlo na karong associate director sa Mrs. Philippines World sa Mrs. World Organization.
Sa ato pa next year si Ms. Aida na ang moda sa maong kumpetisyon sa Pilipinas ug ang modaug maoy ipada sa Mrs. World 2020. Laysho!
Ang iyang mentor nga si Senyorito Michel Lhuillier very proud kaayo atol sa thanksgiving ug send-off party niya niadtong Dominggo sa Micheangelo Paseo sa Banilad diin giselebrar usab ni Aida ang iyang 46th birthday. Congrats, Ma’am!
Aga laos na?
Wa gani abti og tulo o upat ka adlaw sa mga sinehan ang pelikulang “Nuuk” ni Aga Muhlach ug Alice Dixson.
Ang pelikulang “First Love” ni Aga ug Bea Alonzo sa miaging tuig hinay sad.
Maayo ni Aga mobalik una sa teleserye aron duna siya’y recall sa mga batan-on.
Laing pelikula nga akong giatngan ang “Unbreakable” nilang Bea Alonzo, Angelica Panganiban ug Richard Gutierrez.
Ang romantic-drama nga “Unbreakable” sa Star Cinema showing na sa Nov. 27.