NAG-viral sa social media kadtong pangangkon ni Pastor Apollo Quiboloy sa Kingdom of Jesus Christ nga siya ang nagpahunong sa makusog nga linog nga miigo sa Mindanao sa uwahing bahin sa niaging buwan.
Gani sa ilang meeting atubangan sa iyang mga dumadapig, iyang giingon nga angay lang gyud siyang pasalamatan kay kon dili pa tungod kaniya hayan magpadayon ang linog.
Nakadawat og mga negatibong reaksiyon gikan sa mga netizens ang gipamahayag ni Quiboloy kinsa mipatuo nga siya ang anak sa Ginuo. Wa usab kalikayi ang pipila ka mga pangumediya o yaga-yaga kalabot sa iyang gibuhat.
Sa niaging semana, gidawat ni Quiboloy ang hagit sa comedian ug entertainer nga si Vice Ganda nga ipahunong ang salidang Probinsiyano sa ABS-CBN.
Posibli nga ang hagit ni Vice Ganda maoy hinungaw sa pasiatab ni Quiboloy sa iyang giingon nga iyang gipahunong ang linog sa Mindanao.
Sa iyang tubag, si Quiboloy misumbalik ni Vice Ganda sa pagpangutana kon kanus-a gusto niini nga pahunongon ang Probinsiyano.
“One month, two months, four months?” ingon niya.
Gawas niini, gipakapinan pa gyud ni Quiboloy og pagpanghudlat ang iyang pagdawat sa hagit ni Vice Ganda.
“Maybe in four months its not just ‘Probinsyano’ that comes to a stop. Maybe, it’s your network (ABS-CBN) too.”
Posibling matinuod ning hudlat ni Quiboloy kay aduna may pending nga application ang ABS-CBN karon kalabot sa ilang pagpa-renew sa ilang franchise nga mo-expire na sa Marso sunod tuig?
Si Presidente Rodrigo Duterte daan nang mipadayag nga supak siya sa pag-renew niini.
Dili kaha mao ni sakyan ni Quiboloy ug gamiton ang iyang impluwensiya ngadto Presidente aron matuman an giyang pagpanghudlat ni Vice Ganda? Atong atngan.