USA ka ispesyal nga konsiyerto ang pangunahan sa founder sa Heart of David Movement, usa ka modern day "Tabernacle of David."
Si Rick Pino nga nakabase sa Austin, Texas, manguna sa "Worship Night with Rick Pino" sa SMX Convention Center, SM Lanang Premier, ning siyudad sa Davao.
Sa Facebook post, ang HOD community madasigon sa paghimo og "day and night worship" nga miresulta sa kabag-uhan sa usa ka sosyodad.
Matag tuig, bagang duot sa katawhan ang naga-apil sa aktibidad sa HOD.
Ang concert ni Pino sa Davao himuon karong Nobyembre 17, Dominggo.
Suma pa may early registration alang sa tiket, apan nahuman na kini niadtong Oktubre 30.
Sa nakalabay nga 13 ka tuig, si Rick padayon sa iyang panawagan sa pagbag-o o debosyon pinaagi sa iyang mga awit.
Gihulagway ang iyang musika nga "intimate, prophetic, joyful, and militant."
Si Rick malipayon uban ang asawang si Lindsey ug mga anak nga sila Zoey ug Koa.
Sa dugang kasayuran labot sa 'Worship Night' ikontak ang Lighthouse Christian Fellowship sa 266-3748 ug 0918-213-1530.