KIDAPAWAN CITY -- Balik na ang klase sa mga pampubliko ug pribado nga tulunghaan sa siyudad sa Kidapawan kagahapon, Nobyembre 11.
Hinuon ang rekomendasyon ni Schools Division Superintendent Romelito Flores kang Mayor Joseph Evangelista mao lang ang selective resumption of classes sa mga tulunghaan.
Kini gumikan kay hangtud karon nagpadayon pa ang inspeksiyon sa mga awtoridad sa mga eskuwelahan nga naguba sa tulo ka sunod-sunod nga linog niadtong bulan sa Oktubre.
Nagpatukod na og temporary learning shelter ang Department of Education sa mga nagbukas sa klase.
Samtang ang uban wa pay klase gumikan kay magtukod pa sila og temporary learning shelters.
Padayon sab ang panawagan sa DepEd sa mga gusto nga mohatag og mga laminated sacks nga himuon nga temporary learning shelter.
Samtang sa North Cotabato Division, gibutyag ni SDS Omar Obas nga dunay klase na sa probinsiya gawas lamang sa Daig, Magbok ug Paraiso sa Tulunan nga grabeng giigo sa linog.
Samtang ang kanselasyon sa klase sa Makilala mag-agad pa sa local chief executive. (Edgar E. Fuerzas)