SUPERBALITA CEBU

P80,000 nga sweldo i-reward ni Entoma sa makatudlo ni Rubio

NITANYAG ang kasamtangan nga provincial director sa kapulisan sa Negros Oriental, Police Colonel Julian Entoma, sa iyang usa ka buwan nga suweldo nga P80,000 alang ni bisan kinsa nga makatudlo sa nahimutangan karon sa pulis nga ni-ambush patay sa brodkaster sa siyudad sa Dumaguete niadtong Nobiyembre 7 sa buntag.

Si P/Cpl. Roger Rubio gipangita na sa mga pulis sa Negros Oriental human nga wa na mo-report sa iyang mother unit nga mao ang Provincial Mobile Force Company.

Matod ni Entoma nga sukad gipatay si Dindo Generoso niadtong Nobiyembre 7 sa buntag sa Barangay Piapi, wa na kini mo-report.

Daghan usab ang nakasaway sa mga pulis sa Negros Oriental nganong dugay sila nakadakop.

“Mi pledge kog akoa. Personal commitment kay gisigihan man kog bash nga dili madakop kay pulis nga mao to akong gi pledge ang akong one month salary,” nagkanayon si Entoma.

Ang lokal nga kagamhanan sa Dumaguete ug Probinsya sa Negros Oriental wa pa makahukom kon mopagawas ba silag pundo alang sa makatudlo asa karon si Rubio.

Hinuon duna nay impormasyon nga nadawat si Entoma nga motahan si Rubio pinaagi sa Commission on Human Rights (CHR) sa siyudad sa Dumaguete.

Giingong mihimakak si Rubio sa pasangil nga siya ang nipusil kang Generoso tungod kay siya walhon kon mogamit siyag armas.

“Ang rason niya kaliwete siya kay sa picture makita nga tuo ang gigunit sa armas. Pero iyaha sad nang pangatarungan. Mas maayo nga mosubmit siya sa iyang kaugalingon,” dugang ni Entoma.

Motibo?

Usa sa gitan-aw nila nga motibo sa krimen kining may kalabutan sa trabaho ni Generoso.

Ang katapusan nga iyang gibalik-balik sa iyang programa mao ang illegal gambling sa dakbayan ug tibuok probinsya.

Lakip sa nahisgutan ang sabong sa usa ka barangay nga wa mahatagig, permit diin gitumbok niya si Tomacino Aledro nga giilang gambling lord sa siyudad sa Dumaguete ug Negros Oriental.

Sa ilang imbestigasyon, nitumaw nga si Aledro ang mastermind human masuta nga ang tag iya sa Mitsubishi pick up nga gisakyan ni Rubio nakapangalan ni Aledro.

Ang sakyanan nakuha na sa tracker team sa siyudad sa Valencia ug naa na sa kustodiya sa NOPPO.

Tungod sa maong kalamboan gipasakaan usab nilag kasong murder si Aledro ug Rubio lakip na nilang Teddy Reyes Salaw ug Glenn Corsame.

Si Police Brigadier General Valeriano de Leon, direktor sa Police Regional Office (PRO) 7, nimando kang Entoma pagkuhag lig-ong ebedensya batok sa mga suspek ug mastermind.

Gideklarar na nga absent without official leave (AWOL) si Rubio ug kagahapon, Lunes, Nobiyembre 11, 2019, giputol na ang iyang sweldo aron di na siya maka withdraw sa automated teller machine (ATM). (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph