SUPERBALITA CEBU

CCTO mohimog re-routing sa mga sakyanan

MOPATUMAN og re-routing ang kapulisan sa Siyudad sa Sugbo ug Cebu City Transportation Office (CCTO) sa mga dalan palibot sa Basilica Minore del Sto. Niño atol sa pa-abot sa imahen ni Sr. Sto Niño sa Sugbo karong Miyerkules, Nobiyembre 13, 2019.

Giawhag ang mga deboto sa di pagdala og backpack kon motambong sa kalihukan.

Matod ni Cebu City Police Director Col. Geovanie Maines nga way sakyanan nga paagion sa Osmeña Boulevard ug mga eskina sa D. Jakosalem ug P. Burgos streets.

Kini aron paghatag og higayon sa mga tawo nga moagi sa maong mga dalan paingon sa sulod sa simbahan.

“Kasi we will be blocking the whole Sto. Niño at makadaan ang mga tao sa kalsada,” matod ni Maines. Matod sa CCTO, sa ilang traffic advisory, di nila pasudlan ang mga karsada libot sa Basilica sugod sa alas 8 sa buntag karong Miyerkules, Nobiyembre 13, 2019.

Gawas sa portion sa Osmeña Blvd. nga duol sa Basilica, ilang sirhan ang mga dan Jakosalem, P. Burgos st., gikan sa Legaspi st. ngadto sa dan Magallanes.

One way lang ang mga sakyanan gikan sa Osmeña Blvd. padung sa Legaspi ug Osmeña Blvd. ngadto sa dan Magallanes.

Ang pagsira hangtod mahuman ang paglusad sa “Santo Niño at 500.”

Backpack gidili

Kapulisan sa Siyudad sa Sugbo mosaka sa alert status atol sa kalihukan.

Matod ni Maines nga iyang ipakatap ang 500 ka mga pulis sa sulod ug gawas sa Basilica nga maoy mobantay sa mga mosulod sa simbahan.

Usa sa ilang bantayan ang posibling pagpalusot sa bomba ug uban pang gidili nga maoy hinungdan nga siksikon ang tanang mga bag nga isulod sa simbahan.

Gipanglantawan nga modugok ang daghang mga deboto ni Sto. Niño sa Basilica nga ilang gibana-bana nga moabot og 6,000 ka mga tawo ang motambong.

Wa silay nadawat nga hulga sa siguridad apan, wa silay kompyansa hinungdan nga ilang ipatuman ang hugot nga siguridad.

“Napag usapan the that day, bawal ang nakasombrero. Bawal ang naka back pack, pati naka jacket. Yun ang titingnan namin. And all those things na periphery of the venue will be covered with CCTVs,” matod ni Maines.

Gawas sa mga pulis sa siyudad sa Sugbo, mopadala usab ang Police Regional Office (PRO) 7 og mga tawo lakip na ang Central Command (Centcom) ug ubang police auxiliary group.

Makig-alayon sila sa Muslim community, nga sa taas na nga panahon niabag sila sa siguridad sa mga kalihukan sa simbahang Katoliko sa Dakbayan sa Sugbo, sama sa nanglabay nga Sinulog. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph