TUNGOD sa tinguha nga mamenosan ang paghuot sa trapiko panahon nga may aksidente sa dalan, usa ka ordinansahon ang giduso ni Bokal Glenn Anthony Soco kalabot niini.
Sa ordinansahon, inay paabuton ang kapulisan ug traffic enforcers, pakuhaan gilayon kini sa mga traffic offender og hulagway o ba kaha video ang sakyanan aron ma pullout dayon sa dalan.
Kini sama sa posisyon sa mga sakyanan, damage nga naangkon, posisyon sa mga ligid ug ang giagian sa mga sakyanan sa wala pa ang insidente nga maoy gamitong ebidensya.
Human makuhai og hulagway, mag-areglo una ang duha ka mga habig ug manawag lang og traffic responders ug investigators kon di ma-settle.
Multa nga P1,000 ang ipahamtang sa first offense; P3,000 sa second offense ug P5,000 alang sa third offense.
Ang ordinansahon gi-refer sa committee on public services aron mas matuki pa kini una ipatuman.
Daghan sa menor nga mga aksidente sa karsada maoy makaingon sa pagkabara sa trapiko.
Kon malangay ang pag-abot sa traffic officer, malangay usab ang pagpaluag sa dagan sa mga sakyanan. (ANV)