SUPERBALITA DAVAO

Lokal Kasikas: 10 ka awit mobida sa MinPop 2019

NAPULO ka awit sa mga talented nga Mindanaoan songwriters ang motigi sa labing una nga Mindanao Popular Music (Minpop) songwriting competition karong Pebrero 2, 2020.

Gikan sa sobra 200 ka entrante gikan sa nagkadaiyang parte sa Mindanao, mga kanta nga nahilakip sa kompetisyon mao ang #Buang ni Sherwin Fugoso sa Jabonga, Agusan del Norte; Bahala Na and Sabihin Mo Lang ni Crissia Jenn Kaamiño sa Medina, Misamis Oriental; Bulawan ni Miggy Ann Kaamiño sa Medina Misamis Oriental; Rason ni Kent Charcos sa Davao City; Sayaw ni Marvin Asis sa Davao City; A.M. ni Mau Ria Pama sa Lupon, Davao Oriental; Balay nila Kenneth ug Adam Niel Corvera sa Tubay, Agusan del Norte; Filters ni Sarah Faye Dulaca sa Davao City; ug Tethered ni Marckenny Joshua Bohol sa Iligan City.

Ang 10 ka finalists gipailaila atol sa paglusad sa MinPop Music Festival, Nobyembre 9 sa Topaz Tower, Damosa IT Park.

Si Minpop Music Festival organizer ug music mentor Jeremy Sarmiento nagsulti nga ang entrante resulta sa mini songwriting boot camps nga gihimo nila sa nagkadaiyang lugar sa Mindanao sa nanglabay'ng bulan.

Niya, ang pagestablisar sa songwriting competitions sama sa Philpop nakahatag kadasig sa kompetisyon.

Ang Vispop music community sa Visayas, partikular sa Cebu, nadasig sab sa kamugnaan sa Minpop o sa inilang musika sa mga Mindanaoans ug komunidad sa mga music artists.

"In five years, we really want to make an industry sa Mindanao because nagakabit lang ta sa Luzon and sa Visayas," ni Sarmiento.

Si Minpop Music Festival head ug 2018 Philpop songwriting competition grand prize winner Chud Festejo malaumon nga ang Minpop magsilbing luna sa mga Mindanaoan artists nga mapromotar ang ilang obra ug talento.

"Daghan nagabuhat og pop music pero wala sila kabalo asa ibutang and sa mga audience wala sila kabalo asa mangita para madunggan ang gibuhat," ni Festejo.

"Mahimo ang Mindanao nga naga-provide og songs dili lang sa Mindanao, para sa OPM (Original Pilipino Music) and worldwide," dugang niya.

Ang pinal nga mga awit ipaguwa sa unang semana sa Disyembre 2019.

Sigun ni Sarmiento nga ang festival molungtad og tulo ka adlaw diin mananaug ilhon sa uwahing adlaw.

Mga mananaug sa Minpop songwriting competition modawat og P100,000 sa grand prize, P50,000 sa second prize, ug P25,000 ang third prize.

Si Sarmiento nagdugang nga ginatrabaho na sab nila ang pakiglambigit sa mga tunghaan nga nagtanyag og Communication courses alang sa produksiyon sa mga music videos sa mga kanta.

Ang modaug nga kanta ipaabot sab sa Visayas pinaagi sa partnership sa Minpop sa Kadasig.

Anaa na sab sila sa proseso sa pakigpartner sa Myx Philippines alang sa promosyon sa modaug nga kanta.

Atol sa launching, si Himig Handog 2018 songwriting competition grand prize winner Kyle Raphael Borbon midalit og pipila ka awit, sama na lamang sa Sa Mga Bituin Na Lang Ibubulong, nga gi-interpret ni JM de Guzman.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph