SUPERBALITA CEBU

21 ka compactor trucks nangabot

WALA nay rason ang Cebu City Government nga dili makahakot sa mga nagtipun-og nga basura sa mga urban barangay sa dakbayan sa Sugbo.

Kini ang paghulagway ni Mayor Edgardo Labella human niabot na ang 21 ka garbage compactor truck nga gipalit sa administrasyon ni kanhi Mayor Tomas Osmeña para pagdugang sa 11 ka garbage truck sa dakbayan.

“These 21 brand new garbage trucks will be used for garbage collection in the entire urban center. I cannot see excuses anymore because there are already 32 garbage trucks under Department of Public Services,” padayag sa mayor.

Gumikan sa presensiya sa 21 ka garbage truck, ang mayor niingon nga mapalambo pa sa City Government ang paagi sa koleksyon kon itandi sa iyang unang upat ka buwan sa pangatungdanan diin ang siyudad mohakot og kapin o kulang 500 ka toneladang basura matag adalw.

“I expect that our garbage collection will improve and be more efficient and more effective,“ dugang ni Labella.

Si Joel Biton, pangulo sa DPS, nihangop sa pag-abot sa maong mga garbage truck sanglit iyang gihulagway nga sayon nalang para kaniya ang pagtubag sa mga tawag labot sa problema sa basura.

Ang mayor nitahas kang City Attorney Rey Gealon ug City Councilor Eduardo Rama nga maoy mo-monitor sa operasyon sa pagkolekta sa basura aron masiguro nga ang tanan ma-respondehan ug makuha ang hugaw.

Samtang gipadayag ni Labella nga ila karong gitun-an nga ang posibilidad sa pagputol sa kontrata nga gisudlan sa City Government uban sa Jomara Konstuckt kinsa maoy naghakot sa basura isip abag sa 11 ka mga dumptruck sa DPS sugod niadtong Hulyo.

“We are seriously considering to stop this outsourcing and use these 32 garbage trucks to collect the garbage in the city.” sumpay sa mayor.

Ang City Government ubos ni Labella nisulod og kontrata balor og P25 milyones hangtod sa Disyembre 2019 diin siya nakigtambayayong na sa City Council pinangulohan ni Bise Mayor Michael Rama, mga konsehal, City Administrator, City Attorney ug City Treasurer.

Ang mayor niingon nga gumikan sa pag-abot sa maong mga ekipo, ang serbisyo sa private hauler wala na gikinahanglan sanglit makaya na sa dakbayan ang pagkolekta. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph