PATAY na dihang niabot sa Camotes District Hospital ang usa ka 40 anyos nga lalake nga giingong namusil sa mga pulis sa lungsod sa San Francisco nga nitubag sa alarma niadtong Lunes, alas 8 sa buntag, Nobiyembre 11, 2019.
Si P/ Major Pedy Noval, hepe sa San Francisco Police Station, niingon nga mga residente ni-report kanila kalabot sa lalakeng armado sa Sityo Himangkongan, Barangay Himensulan.
Ang suspek giilang si Elias Linao, 40, lumolupyo sa barangay. Matod pa ni Noval nga pag-abot sa lugar, ilang nakit-an si Linao nga dunay armas.
Ang iyang mga sakop nipaila nga mga pulis.
“Mibunot sa iyang armas, Sir, nga sa ilang tan-aw .357 (caliber revolver) gikan sa iyang hawakan human nga iyang gibalik gikan gikuptan,”matod ni Noval. (BBT & GPL)