MOABOT sa 10,000 ka student-athletes ang magkombati sa 29th Cebu City Olympics nga sugdan karong adlawa sa Cebu City Sports Center.
Ning maong kompetisyon, mahashasan ang abilidad sa mga atleta sa Sugbo alang sa Central Visayas Regional Athletic Association (CVIRAA) ug Palarong Pambansa.
“This is not only to prepare our athletes for CVIRAA or for the Palarong Pambansa, but to prepare our athletes in their life long journey to become champions,” matod ni Dr. Joelyza M. Arcilla, School Governance and Operations Division chief.
Ang sporting events nga kombatihan mao ang archery, arnis, athletics, baseball, basketball, badminton, billiard, boxing, chess, dancesports, gymnastics, football, futsal, karatedo, scrabble, sepak takraw, softball, swimming, taekwondo, tennis, table tennis, volleyball, wrestling, wushu, penchak silat ug special games. (RSC, ESL)