GIBAWSAN sa San Miguel Alab Pilipinas ang Gilas Pilipinas, , 93-89, sa usa ikaduha nilang tune-up game niadtong Lunes sa gabii sa Meralco Gym sa Manila.
Ang Gilas Pilipinas ningbuntog sa Alab Pilipinas sa miaging semana apan ning higayuna, mas nagpalig-on og puwersa ang Alab Pilipinas aron bawsan ang national team.
Ang kombati tipik sa pagpangandam sa Gilas Pilipinas alang sa kampanya niini sa umaabot nga Southeast Asian Games nga ipahigayon sa Pilipinas sugod karong Nobiyembre 30.
Ning kombatiha, ang Alab Pilipinas adunay tulo ka imports nga sila si Nick King, Adrian Forbes, ug Khaliff Wyatt nga nagkumboya og 46 puntos.
Puntos matag usa
Alab Pilipinas (93) – King 23, Forbes 16, Heading 15, Grey 12, Wyatt 7, Rosser 7, Brickman 4, Vigil 4
Gilas Pilipinas (89) – Pogoy 14, Fajardo 12, Aguilar 12, Wright 11, Standhardinger 10, Manuel 8, Lassiter 7, Tenorio 7, Pringle 2, Ross 2, Ravena 2, Thompson 2. (ESL)