SUPERBALITA CEBU

Barrita: Pag-oktaba sa eleksyon sa brgy, SK

Tipik sa Balaod

GIRATIPIKAHAN sa House of Representatives ug sa Senado niadtong Nobyembre 11 ang bicameral conference committee report sa balaudnon nga mag-oktaba sa barangay ug Sangguaninang Kabataan (SK) elections gikan sa Mayo 2020 ngadto sa unang Lunes sa Disyembre 2022.

Nagpaabot na lang kini sa pirma sa presidente. Ang katapusang eleksyon sa barangay ug SK gipahigayon niadtong Mayo sa miaging tuig human kini ma-postpone sa makaduha ka higayon sukad sa Mayo 2016.

Kon maaprobahan ang maong balaudnon, moabot sa kapin sa upat ka tuig ang termino sa mga incumbent nga opisyales sa barangay ug SK. Tulo ra ka tuig ang termino sa mga opisyales sa barangay ug SK ug sama sa ubang mga lokal nga opisyales, lakip sila sa three-term limit.

Nag-usab-usab ang gidugayon sa termino sa mga opisyales sa barangay ug SK. Ubos sa Republic Act No. 7160, ang Local Government Code, tulo ka tuig ang ilang mga termino. Gihimong lima ka tuig ang ilang mga termino sa Republic Act No. 8524.

Apan gibalik ang ilang termino ngadto sa tulo ka tuig ubos sa RA 9164 nga giamendahan sa RA 9340. Samtang ang RA 10742 nag-ingon nga ang chairperson ug mga sakop sa SK adunay fixed term nga tulo ka tuig.

Mahitungod sa term limit sa mga opisyales sa barangay, ang Section 2 sa RA 9164, as amended, nag-ingon nga “no barangay officials shall serve the same position for more than three (3) consecutive terms.

Pananglit moluwat sa katungdanan ang usa ka opisyales sa barangay, maputol ba ang iyang term limit? Ang samang balaod nagkanayon, “Voluntary renunciation of office for any length of time shall not be considered as an interruption in the continuity of service for the full term for which the elective official was elected.”

Kon atong mahinumdoman, si Presidente Rodrigo Duterte mismo ang nanawagan sa Kongreso nga i-uswag ang piniliay sa barangay ug sa SK atol sa iyang State of the Nation Address (Sona( niadtong miaging Hulyo. Tungod niini gilugakan sa Commission on Elections (Comelec) ang ilang pagpangandam sa maong eleksyon.

Si Senador Imee Marcos, ang sponsor sa balaudnon nga mag-oktaba sa eleksyon sa barangay ug SK didto sa Senado, niingon nga ang Comelec makadaginot og P5.77 bilyones tungod sa pag-postpone sa barangay elections sa 2020.

Binilyon ka pesos ang ma-save sa panudlanan sa gobyerno kon wa nay eleksyon.Apan nganong gikinahanglan man ang eleksyon? Tungod kay mao kini ang dugokan sa usa ka demokrasya. Gawas pa, dunay sanglitanan nga nag-ingon, “Politicians are like diapers. They should be changed regularly and for the same reason.” (edbarrita@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph