GISIGURO ni Misamis Oriental Provincial Veterinary Office head Dr. Benjie Resma nga sa gitakdang kasaulogan sa Pasko, paigo pa ang suplay sa pork sa Misamis Oriental.
“Dili kulang pero dili sab ingon ana kadaghan. For Misamis Oriental, enough gyud. Karon, balance pa,” kini ang sulti ni Resma.
Matud niini nga ilang giabisuhan daan ang mga supplier sa pork nga unahon ang demand sa lalawigan usa ipadala didto sa laing dapit aron mas ma prayoridad ang gikinahanglan sa katawhan.
Usa ang Mindanao ug Visayas karon sa supplier sa pork labina demand kini karon didto sa dapit human mikaylap ang kaso sa African Swine Fever (ASF) sa dapit.
Sa pagkakaron, aron masiguro nga luwas ang mga processed meat dinhi human adunay skinless longganisa ug hotdog sa usa ka kompanya ang nagpostibo ilang gikuhaan sab og sampling ang uban aron masigurong luwas gihapon ang ubang prudokto.
“Mag-conduct ta og sampling sa processed meàt kay aminado kita nga naa sa processed meat ang delikado labina nga himoun og pasalubong ug sayon ipalusot,” matud ni Resma.
Pabiling ban ang prodoktong pork gikan sa Luzon nga mopaingon sa lalawigan.
Gipasabot lamang ni Resma nga igo-igo lang labina nga sa bulan sa Enero laumang mosaka ang presyo human nga gilimitahan nalang karon sa mga hog raisers ang pagbuhi sa baboy sa kahadlok nga maapektuhan sa sakit nga ASF ang mga binuhing baboy dinhi.
Apan, subling pagklaro niini nga pabiling ASF-free ang Misamis Oriental ug tibouk Mindanao karon panahona.