Konsehal: Bao-bao wala gyud gitugot sa highway

GIKLARO ni Konsehal Teodulfo Bong Lao, tsirman sa komitiba sa public utilities, nga dili masala sa mga nanag-iya og bao-bao ang lokal nga kagamhanan sa dakbayan sa Cagayan de Oro.

Kini human gipangsikop niadtong nilabay nga adlaw sa Barangay Tablon ning dakbayan.

Nasayran nga nagbahad ang maong grupo nga dili mobiyahe aron makita sa gobyerno ang panginahanglanon sa mga pasahero sa maong transportasiyon.

Sa pakighinabi kang Lao, giingong wala kini sila gidasig nga magpalit niini nga mga sakyanan ilabi na nga sukad wala kini gitugtan ug gidili kini sa highway.

“Di man sab nila masala ang city government kay wala man sila gi-encourage nga mopalit ana para mag-drive kay bawal man gyud na. Wala say balaod nga nagdawat sa ilang franchise. Ila na ang risgo nganong gapalit sila. So beyond na na sa city government,” matud ni Lao.

Gidugang pa niini nga naay gahom ang lokal nga kagamhanan sa dakbayan.

Apan, wala kini gitan-aw sa dakbayan ilabi na nga duna nay modernization program diin dagko ang mga sakyanan ug makabiyahe og layo ug makasakay usab bisan magtindog ug luwas ang mga pasahero.

“Korek maka approved naay gahom ang local gobernmenala na gitan-aw nga maoy atong mode of transportation kay naa naman ta sa modernization,” matud ni Lao.

Giklaro usab nga sukad masukad, wala sila tugti nga moagi sa highway sukwahi sa giingong gitugtan sila sa pagbiyahe sa oras sa alas 6:00 sa gabii hangtod alas 6:00 sa buntag.

Gani, dunay naghangyo kaniadto nga ipabiyahe og gabii apan wala kini gitugtan.

“Wala, ila-ila ra na. Wala gihapon nato to tugti kay coming biya ang modernization kay problema nasab na sila. Og pananglitan i-phase out, moingon nasab na sila nga among trabaho. Kinsa man mohatag karon nga inyo mi gitugtan unya. So wala gyud tugti sukad pa, ever since wala gyud,” dugang pa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph