GIPAHIBAWO sa National Basketball Associaion, Miyerkules, Nobiyembre 13, nga libring makita na sa television ang pipila ka mga duwa sa NBA pinaag sa Channel CNN Philippines.
Sugod sa Sabado, Nobiyembre 16, ang CCN Philippines mao na ang mopasalida sa mga piniling duwa ug ubang mga highlights sa ilang mga nagkalainlaing news programs lakip niini ang Sports Desk ug News Night.
“Weekends just got better with the return of live NBA games on national television through CNN Philippines,” matod ni NBA Philippines Managing Director Carlo Singson.
“Filipino fans now have a choice of watching our games across a variety of platforms including television, computers and mobile devices via social media and NBA League Pass.”
Ang CNN Philippines channel nga mopasalida mao ang Channel 5 sa Zamboanga, Channel 8 sa Bacolod, Channel 9 sa Manila, Cebu ug Davao, ug Channel 12 sa Baguio. Santabg sa mga cable subscribers kini magdepende kon unsa ang channel sa ilang tagsa-tagsa ka mga providers.
Ang 20-19-20 NBA regular-season makita usab livestreamed sa Philippines for free sa Facebook Watch ug sa Twitter.
Karong Sabado, ang CNN Philippines mopasalida sa duwa tali sa Boston Celtics ug Golden State Warriors nga sugdan sa alas 11:30 sa buntag, Milwaukee Bucks vs. Indiana Pacers sa alas 8 sa buntag sa Dominggo.
Sa Nobiyembre 23, Houston Rockets vs. LA Clippers sa alas 11:30 sa udto ug New Orleans vs. Utah Jazz sa Nob. 24 sa alas 10 sa buntag.
Sa Nobiyembre 30 makita usab ang panag-engkuwentro tali sa Dallas Mavericks ug Phoenix Suns sa alas 10 sa buntag. (JBM)