KAPULISAN sa dakbayan sa Talisay nakig-partner sa pribadong mga kompaniya alang sa linain nga paagi sa pagpakigbatok sa ginadili nga drugas.
Kini pinaagi sa ilang gitawag nga Police and Partners Act of Kindness for the Children in Talisay (PACT).
Ang kampanya nga matawag nga edukasyon nga aspeto sa pakigbatok sa illegal drugs, nag-target sa mga bata, kinsang mga ginikanan nalambigit sa drugas.
Gatusan ka mga bata sa Dakbayan sa Talisay ang maka-benipisyo sa bag-ong programa.
Himuon kini kada Sabado nga pagadumalahon sa Womens and Children Protection Desk sa TCPS.
Uban kanila ang mga pribadong kompanya ang mopahigayon og feeding program sa mga bata, kansang mga ginikanan nadakpan o nagpa-rehab tungod sa pagkalambigit sa ilegal nga drugas.
Gihimo sa Miyerkules sa buntag, Nobyembre 13, ang pagpinirmahay sa memorandum of understanding (MOU) tali sa sa TCPS ug mga pribadong kompanya, sama sa mga taga bangko, security agencies, food chain ug uban pa.
Ang mga pribadong tawo ug kompanya mangita’g paagi aron mapakaon ang mga bata, samtang ang kapulisan ang mo-facilitate ug mohimo og mga lecture.
Gipasabot ni TCPS chief, Police Major Gerard Ace Pelare, nga usa kini ka paagi pag-combat sa ilegal nga drugas./FMD
“If we don’t do any intervention, what can influence them are the bad habits. Together with the mayor (Gerald Anthony Gullas) we conceptualize this project that we will be able to get the sympathy of these children towards being good citizens. Kay kon wala tay buhaton nila, (Ifwe won’t act now) time will come they will be the next criminals and users. So, what we are doing now is actually for their future,” saysay ni Pelare. (FMD)