SUPERBALITA CEBU

Lawas sa mga sundawo wa mahitsura sa bomba

SAMDAN: Usa sa mga sundawong samaron gikanaug gikan sa Huey helicopter sa Philippine Air Force (PAF) aro dad-on sa Camp Lukban Hospital sa Catbalogan, Samar. (Hulagway tampo sa 8TH ID)

BORONGAN City, Eastern Samar - Niabot na sa kampo sa 8th Infantry Division ang mga lawas sa unom ka mga sundawo nga nakalas sa ambush ug engkwentro tali sa New Peoples Army (NPA), Lunes, Nobiyembre 10, 2019 sa Barangay Pinanag-an ning dakbayan.

Si Army Captain Reynaldo Aragones sa 14th I.B emosyonal nga nahinabi sa Superbalita Cebu gumikan sa gidangatan sa iyang mga kauban.

“Bilang isang sundalo po, Sir, ang sarap po sa pakiramandam na nararamdaman po namin ang suporta ng mga tao. Hindi nakakahinayang na mag serbisyo kahit mag buwis ng buhay. Yung ramdam mo yung pag aalala at suporta ng tao, Sir,” matod ni Aragones kinsa emosyonal atol sa interview.

Dunay mga sundawo nga nangamatay nga di na mahitsura ang mga lawas human mangaigo sa improvised explosive device (IED) nga gipangtanom sa mga rebelde sa giagian sa tropa.

Gikondenar usab sa kasundalohan ang gihimo sa mga NPA sa paggamit og landmine nga sunodsunod nga nibuto sa una pa ang sinukliay og bala sa duha ka habig.

“The National Democratic Front (NDF) including the Communist Party of the Philippines (CPP) and the NPA are signatories, bans the use of landmines which they have neglected the Comprehensive Agreement on Respect for Human Rights and International Humanitarian Law. In connection with the “Ottawa Convention” or “Mine Ban Treaty” that seeks to end the use of Anit-Personnel Landmines worldwide to end suffering and casualties,” matod sa pamahayag 8th I.D

Dugang ni Aragones, wa na mahitsura ang pipila sa iyang kaubanan sa dihang iyang nakita ang mga lawas.

“Talagang kawawa ang tropa sir. Nakita ko yung tama ng ibang tropa, talagang wasak at gutay gutay. Talagang kawawa. Paano nalang kung bata o mga sibilyan (ang tinamaan),” dugang ni Aragones.

Tabang pinansyal

Si Eastern Samar Gobernador Ben Evardone, nipadayag sa iyang pahasubo sa pamilya sa unom ka mga sundawo nga nakalas ug mohatag kini og tabang pinansyal.

Mohatag ang Lalawigan og P25,000 sa matag pamilya sa nakalas nga sundawo samtang P10,000 sa mga samdan.

“The incident the other day in Brgy. Pinanag-an, Borongan City was very unfortunate, tragic and a clear act of barbarism,” matod sa gobernador.

Ang Philippine Army mohatag usab og medalya sa mga sundawo nga nakalas ug samdan ingon man tabang pinansyal sa mga pamilya.

Pasado alas 5 sa hapon niadtong Lunes, ang kasunalohan sa 14th Infantry Battalion nihimo og patrolya sa Pinanag-an gumikan sa nadawat nga mga report nga dunay nahitabo nga extortion. Atol sa patrolya, unom ka mga IED ang sunod sunod nga nibuto.

Nisunod ang engkwentro tali sa mga sundawo ug 50 ka mga NPA sud sa 30 minutos.

Unom ka mga sundawo ang nangamatay ug laing 20 ang nangaangol.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph