SUPERBALITA CEBU

‘Utangan’ og P15M nga alahas gidakop

BABAYE nga negosyanteg alahas ang gidakop sa mga sakop sa Criminal Investigation and Detection Group (CIDG) 7 human malutsi og warrant of arrest sa lima ka ihap nga kasong estafa.

Ang dinakpan giingong wala maka bayad sa P15 million nga balor sa alahas sa iyang dealer.

Ang nasikop giila nga si Raquel Undang alyas Raquel Cordova, taga dakbayan sa Toledo tungod sa lima ka ihap sa kasong estafa nga giluwatan ni Judge Vivien Leigh Santiago-Lumangtad sa MTCC branch 5 sa dakbayan sa Sugbo niadtong Oktbure 16.

Matod ni Police Major Ronald Allan Tolosa, Deputy Regional chief sa CIDG-7, nga nakadawat sil oag impormasyon nga nasigpatan si Undang sa korte kay mopyansa sa iyang usa ka kaso, apan nasuta nga aduna pa siyay laing warrant of arrest sa kasong estafa nga hinungdan nga gi-serve kini sa sulod sa korte.

Giingong mokabat sa P15 milyunes nga balor sa mga alahas ang wala mabayri ni Undang sukad sa 2017 sa dihang gi singil na siya sa tag-iya sa mga mahalong alahas.

Giangkon ni Undang nga adunay utang sa iyang dealer sa mga alahas apan nakalitan siya nga dali kaayong nilusot ang iyang warrant of arrest.

Matod niya nga sukad siya gipasakaan og kasong estafa wala siya motago ug naa lang sa ilang balay sa Toledo.

Gihimakak niya nga miabot sa P15 milyunes ang iyang utang sanglit aduna siyay listahan pila ka alahas ug pila usab ang iyang nauli.

Aduna siyay mga ebedensya kinsa ang nakakuha sa gibaligya niyang alahas apan dili na siya makapaningil niini human nga mipagawas ug pahibawo ang dealer nga wala na siyay katungod nga mokuha sa bayad ug gipasirad-an na ang iyang account sa bangko.

“Kining kasoha naka-file ni siya so andam ko nga mo ubag ani sa korte, ug usa pa, kining alahas wani tanan nako ug pwede nako i-prove kung asa ni dapit ug kinsay nabulahan ani,” matod ni Undang. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph