SUPERBALITA CEBU

Bag-ong ferry para Olango

HAMUGAWAY: Ang taga isla sa Olango ug mga bisita sa maanindot nga isla sa dakbayan sa Lapu-Lapu may kapilian na nga kasakyan nga mas hamugaway, luwas ug paspas. (Flor Q. Querubin)

MAY alternatibong kasakyan ang mga taga isla sa Olango nga buot mobiyahe gikan sa mainland sa dakbayan sa Lapu-Lapu.

Kini human nga kagahapon, Miyerkules, Nobiyembre 13, pormal na nga milawig ang motor vessel nga lahi sa naandang motorbanca nga magbiyahean sa isla.

Gawas nga ginama na kini sa fiber glass inay sa naandang kahoy nga mga sakayang pandagat mas dako usab kini itandi sa naandang motorbanca.

Ang bag-ong motor vessel nga magbiyahian na sa Angasil Wharf sa Brgy. Mactan paingon sa isla sa Olango ug vice versa mao ang M/V Sta Rosa Ferry Express nga gikatakdang maka-akomodar ug moabot sa 140 ka tawo sanglit usa man gyud kini ka lehitimo nga ferry boat.

Mao na kini ang labing una ug labing dako nga motor vessel nga magbiyahean sa isla sa pagkakaron.



Ang naandang motorbanca nga magbiyahean sa isla maka-akomodar lang ug 30 ngadto sa 50 ka tawo.

Matod ni Dr. Nelson Mejia, consultant sa naasoyng motor vessel, molanat lang og 10 minutos kapin o kulang ang biyahe sa mga pasahero palabang sa isla gikan sa mainland.

P30 ang pleti sa naasoyng motor vessel.

Nadesisyonan kini nga padaganon sa management isip pagsunod sa kamandoan sa Maritime Industry Authority Marina-7 sa pagwagtang na sa mga kahoy nga motorbanca nga maoy gamitong pasaheroan sa kadagatan.

Tubag usab kini sa kabalaka sa ubang pasahero sa kaminos na sa mga motorbanca nga mobiyahe sa isla gumikan sa modernization program sa Marina-7.

Kahinumdoman, niadtong Nobyembre 1 ug 2 atol sa Kalag-Kalag, nakasinati ug kalangay ang biyahe sa pasahero gikan sa isla sa kagamay na lang sa mga motorbanca nga gitugotan sa Marina-7 nga makabiyahe sanglit nagpabilin kining mga ginama sa kahoy .

“Ang tawag ani “trimaran”. This is a more modernized design, ang iyang katig is fiber glass sad. Bali iyang balancer fiber glass sad murag tulo ka body. Ang iya paglingkod (sa mga pasahero) is kanang straight lang pareha anang sa Metro Ferry nato nga bench in-ana siya,” matod ni Mejia.

Sa umaabot, laing duha ka motor vessel sa susamang operator ang mobiyahe sa isla. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph