ANG pinakadakong book sale sa kalibutan, Big Bad Wolf (BBW), subling mibalik sa Davao, diin lauman nga mas daghan pang ma-hook nga bookworms ug turista sa Mindanao.
Ang book sale mobitbit sa sobra usa ka milyon nga klase sa libro diin mapalit kini nga mas ubos og 50 porsyento ngadto 90 porsyento sa presyo.
Ang BBW Book Sale bukas sa 24 oras sud sa onse ka adlaw, gikan Nobyembre 22 ngadto Disyembre 2 sa Enderun Tent, Azuela Cove, Lanang, dakbayan sa Davao.
“Entrance to the Sale is free. With over 150,000 visitors last year, the Big Bad Wolf Book Sale is excited to welcome more book lovers this year,” suma ni Jacqueline Ng, co-founder sa Big Bad Wolf Book Sale.
Mga mahilig sa libro, laumi ang nagkadaiyang genre sa balasahon gikan sa fiction, non-fiction, children’s books, ug premium titles.
“The Big Bad Wolf Book Sale travels globally and has explored four cities in the Philippines so far including Manila, Davao, Cebu and Pampanga. It has been amazing to see droves of people, young and old, come together for the love of books. With last year’s turnout, we’re excited to see more Dabawenyos at the Big Bad Wolf Book Sale this year and hopefully we are able to continuously instill and create a love for reading,” dugang ni Ng.
Ang Big Bad Wolf Book Sale nangunay sab sa pagtabang og charity pinaagi sa ilang Corporate Social Responsibility (CSR) arm, ang Red Readerhood (RRH).
Sa Pilipinas, ang Big Bad Wolf Book Sale nakigbulig sa Gawad Kalinga.
Karon sa ilang ika-10 nga tuig, ang Big Bad Wolf Book Sale nagtumong nga madasig ang kadaghanan sa pagbasa og libro. (PR)