SUPERBALITA DAVAO

Top 1 pusher nabugha

DAVAO. Giplastar sa usa ka police auxiliary ang suspek nga napusilan sa pulis human misukol sa buy-bust operation sa Sta. Ana Police Station, Martes sa hapon, Nobiyembre 12, sa Barangay 15-B, Obrero, Davao City. (Hulagway sa Sta. Ana PNP)

PATAY na nga miabot sa Southern Philippines Medical Center (SPMC) ang usa ka gituohang notadong pusher human misukol sa kapulisan atol sa drug bust sa Sta. Ana Police Station, Martes sa hapon, Nobiyembre 12, sa Tahimik Street, Barangay 15-B, Obrero, Davao City.

Ang suspek mao si Rex Braga, alyas Rex, ug nailhan nga Richard Montaire Tagahanan, 24-anyos, molupyo sa Carillo Compound, Talisay Ecoland, Barangay 76-A, ning dakbayan.

Sumala ni Police Major Michael Uyanguren, hepe sa Sta. Ana Philippine National Police (PNP) nga misukol ang suspek sa operatiba dihang posasan na unta kini sa pagdawat sa marked money bugti sa gibaligya nga shabu.

Mga pakite sa gituohang shabu ug ang .22 revolver nga pusil ang nakuha sa posisyon sa dinakpan.

Ang kapulisan nagbutyag nga suspek sab ang napatay sa sunod-sunod nga kawat sa ilang dapit.

Gihaya na sa iyang mga kabanay ang napatay nga suspek. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph