SUPERBALITA CEBU

‘Hitman’ wanted, nasikop

GIINGONG hitman sa usa ka pulitiko sa Siyudad sa Sugbo nga nakapatay niadtong 2012 nasikop sa mga sakop sa Cebu City Mobile Force Company human magtago-tago sulod sa kapin sa pito ka tuig.

Ang akusado gikahadlokan sa mga residente sa bukirang dapit sa Siyudad sa Sugbo tungod sa kakursonada nga mamusil kon adunay ikakontra.

Ang nasikop mao si Ryan Marikit Doncillo, alyas “Iti”, 29, habal-habal driver, taga sitio Hagimit, Barangay Adlaon, bukirang dapit sa Dakbayan sa Sugbo.

Si Doncillo adunay pending warrant of arrest sa kasong murder nga giluwatan ni judge Sylvestre Maamo Jr. sa Branch 17 sa Regional Trial Court nga way gitugot nga pyansa.

Unang nasikop niadtong Nobiyembre 3 ang iyang igsuon nga si Roger Doncillo, kinsa nag-atubang usab og kasong murder. Sa ilang pagsubay sa e-warrant, didto usab ang ngalan ni Ryan.

Ila kining gipangita pinaagi sa abag sa mga residente sa Barangay Adlaon ug Lusaran.



Ang amahan niini nitug-an nga naa na sa lungsod sa San Fernando nagpuyo si Ryan.

Usa sa mga residente nipahibawo nga si Ryan naa ra sa sitio Kiw-Kiw, Barangay Pitalo, lungsod sa San Fernando nagpuyo.

Sa nakuha nga impormasyon ni Lieutenant Colonel Randy Korret, hepe sa City Mobile Force Company sa Cebu City Police Office (CCPO) nga ang magsuong Doncillo tigtanom og marijuana sa bukid.

Niadtong 2012, naagian sila ni Felix Coca nga taga Adlaon samtang nagtanom silag marijuana.

Giingong nikuha og armas si Ryan ug gipusil patay si Coca.

“Sila daw yung nag tatanim ng marijuana, yan yung nag trigger sa case nya nung 2012. Dahil nakita ng tao yung plantation nila ng marijuana, so, pinatay nila ng nagkaroon ng pagkaka taon. That’s why nalabasan siya ng warrant of arrest,”matod ni Korret.

Daghang mga residente sa bukirang mga dapit sa siyudad sa Sugbo nga nalipay sa pagkasikop sa magsuong Doncillo tungod kay sila ang gika hadlokan.

Giingong gamiton sila sa pipila ka mga pulitiko sa Dakbayan sa Sugbo aron pagpanghadlok sa mga tawo sa bukid kon magkaduol na ang elekyson.

Nanghimakak si Ryan nga tawo siya sa usa ka pulitiko sa Cebu City.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph