Gesta batok Morales sa Los Angeles

Suwayan pagbangon ni San Diego, California-based apan Barangay Labogon, Mandaue City, Cebu native Mercito “No Mercy” Gesta (too) ang sunod sunod nga kapildihan sa mga pinoy boxers nga misulong sa Amerika. Si Gesta (32W- 3L-2D, 17KO) makigsinumbagay ibabaw sa ring batok ni Mexican-American Carlos “The Solution” Morales (wala) sa Nobyembre 14, 2019 Huwebes (Biyernes RP Time) sa Belasco Theater sa Los Angeles, California, USA. (Hulagway gikan sa kampo ni Gesta)
Suwayan pagbangon ni San Diego, California-based apan Barangay Labogon, Mandaue City, Cebu native Mercito “No Mercy” Gesta (too) ang sunod sunod nga kapildihan sa mga pinoy boxers nga misulong sa Amerika. Si Gesta (32W- 3L-2D, 17KO) makigsinumbagay ibabaw sa ring batok ni Mexican-American Carlos “The Solution” Morales (wala) sa Nobyembre 14, 2019 Huwebes (Biyernes RP Time) sa Belasco Theater sa Los Angeles, California, USA. (Hulagway gikan sa kampo ni Gesta)

SUWAYAN pagbangon ni San Diego, California-based apan Barangay Labogon, Mandaue City, Cebu native Mercito “No Mercy” Gesta ang sunod sunod nga kapildihan sa mga pinoy boxers nga misulong sa Amerika.

Si two-time world title challenger Gesta (32W- 3L-2D, 17KO) makigsinumbagay ibabaw sa ring batok ni Mexican-American Carlos “The Solution” Morales (19W-4L-3D, 8KO) sa Nobyembre 14, 2019 Huwebes (Biyernes RP Time) sa Belasco Theater sa Los Angeles, California, USA.

Ang pinoy fighter ug walhon nga si Gesta gawas nga ipanimalos ang kapildihan sa iyang mga kababayan tuyo sab siya mobangon human napandol sa katapusan niyang away.

Ang kanhi Muay Thai fighter nga si Gesta gikan napildi knockout round-9 batok ni Mexican Juan Antonio “Zurdo El Mozo” Rodriguez niadtong Marso 21, hinuon niadtong Hunyo 14 ning tuiga midaug si Gesta Majority Decision batok ni American Robert Manzanarez.

Apan kon nagtuo ka nga sayon ang kontra ni Gesta nasayop ta sanglit isog, fighter si Morales kinsa gikan sa duha ka mga dagku nga mga kadaugan.

Katapusang kontra ni Morales iyang na KO sa second round si pinoy boxer Rosekie “KAPRE The Gentle Giant” Cristobal nga taga President Roxas, North Cotabato niadtong Hulyo 18.

Samtang una nga midaug si Morales pinaagi sa KO-2 batok ni Pedro Navarrete niadtong Mayo 16, 2019.

Hinuon napildi si Morales ni Ryan “KingRy/Flash” Garcia apan pinaagi lang sa Majority Decision.

Sa pikas bahin atol sa tinimbangay kaganina gaan kaayo si Gesta nga mitamak sa 133.6 pounds samtang ang kontra misubra sa kabug-at gani sa sinugdanan mitimbang sa 135.6 lbs apan sa ikaduhang pagsulay nakuha ang limit nga 135-lb.

Ang Gesta batok Morales 10-round non-title Lightweight division maoy main event sa Thursday Night Fights nga gidalit sa Golden Boy Promotions (GBP) diin ang mga tickets mapalit ang labing barato sa tag $30 plus tax samtang makita ang away sa page sa GBP.

Kahinumdoman nga gihampak sa nagsunod sunod nga kapildihan ang mga boksidor nga pinoy nga misulong sa US niadtong entrada sa Nobyembre ning tuiga.

Ang nangapildi gilangkuban nila ni Tulunan, Cotabato “Ruthless/Mangtas” Romero Duno (KO-1), Cebuano “The VIP” Jessie Cris Rosales (KO-1), Catarman Northern Samar “The Terror” Recky Dulay (TKO-1), Butuan City “Machete” Mark Bernaldez (UD), Gingoog City “Tornado” Raymond Tabugon (KO-5) ug Parañaque City “El Heneral” Edward Heno (UD). (Daniel Quindao Guden, US Correspondent)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph