2 gipangita tungod sa peke nga cheke

SUSPEK. Kini si Milgaros Garcia Roa kinsa suspek sa pagdagit sa pipila ka sakyana sa dakbayan sa Ormoc ug padayun karon gipangita sa kapulisan.(Hulagway gikan sa Facebook page sa Ormoc City Police Station 3)
SUSPEK. Kini si Milgaros Garcia Roa kinsa suspek sa pagdagit sa pipila ka sakyana sa dakbayan sa Ormoc ug padayun karon gipangita sa kapulisan.(Hulagway gikan sa Facebook page sa Ormoc City Police Station 3)

ORMOC CITY, Leyte--Padayun karon nga gipangita sa kapulisan sa Ormoc City ang usa ka babaye ug kauban niini nga lalake tungod sa pagpalit og mga sakyanan gamit ang cheke nga walay sud.

Base sa report sa Ormoc City Police Station 3, duha ka luxury pick up trucks ang nadagit sa duha, usa ka Toyota Hilux ug usa ka Nissan Navarra.

Ang Hilux dunay plate number AQA 6110 ug ang Navarra dunay plate number FZR 822.

Nadagit usab ang laing duha ka multicab nga dunay plate number MAJ 2071 ug temporary plate number 1230114676.

Base sa police report, ang mga sakyanan nakit-an sa Surigao niadtong November 10, pasado alas 4 sa kadlawon.

Dugang sa report, ang multicab nga may plakang MAJ 2071 katapusan nakit-an nga nagbiyahe sa Agusan Del Norte niadtong November 10, 2019, pasado alas 12 sa udto.

Nakabutang sa police report nga ang suspek ginganlan og Milagros Roa.

Usa sa tag-iya sa sakyanan nga nadagit nga si Arnold Rebato niadto sa bangko aron pasuklian unta ang cheke apan iyang nahibaw-an nga wa kini sud.

Gisaysay sa biktima nga niingon kaniya ang taga bangko nga siya ang ika unom nga niadto nga niuntol usab ang cheke.

Ang Ormoc City Police Office miawhag sa mga makakita sa suspek o sa mga sakyanan, palihug sa pag contact sa Ormoc City Police Station 3 o tawag o text sa mga numero: 09989674958/09985986695/09985986697.(Superbalita Cebu)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph