HUMAN nga gihimugso ni Lian Paz ang iyang baby girl, courtesy sa kapuyo nga si Paolo Contis, chika nga usa ka engrandeng bunyag ang nagpaabot kang Xonia Aitana.
Sumala pa nga karon pa lamang daan, may star status na ang bata tungod kay ilado sab sa showbiz ang iyang mga ginikanan.
Karon pa lamang daan, makahulog na og panga ang line up sa mga niong ug ninang sa bunyag ni baby Xonia.
Lakip sa mga mokugos sa bata mao sila Dingdong Dantes, Jinkee Pacquiao, Raymart Santiago, Direk Dominic Zapata ug uban pa nga mga bigatin gayud.
Bisan pa man nga daghan ang naimbyerna sa relasyon nila ni Paolo ug Lian kaniadto, karon, daw nadawat na kini sa publiko tungod sa ilang baby.
Kahinumduman nga nahimong bitter ang aura sa relasyon sa duha tungod kay nigawas nga si Lian ang third party sa panagbuwag nila ni Paolo ug ex-girlfriend nga si Isabel Oli nga gihanyagan na og kasal sa aktor.
May chismis pa gani nga sex lamang ang gigukod ni Paolo kang Lian since di daw niya kini makuha sa girlfriend pang si Isabel tungod kay gidili sa relihiyon.
Apan karon, nagpabilin ang duha sa ilang pagminahalay nga mas gipakusgan pa sa pag-abot sa ilang baby. Kinsa kita aron nga mohukom kanila?