WALAY nakapugong sa paghikog sa 43 anyos nga amahan niadtong Nobiyembre 13, 2019 ug nadiskubre mga alas 2:55 sa hapon sa P-6, Poblacion, siyudad sa El Salvador City, Misamis Oriental.
Patay si John Estoque, adunay kaipon, residente sa dapit kinsa naghikot og pisi sa iyang liog ug nagbitay sulod sa iyang panimalay.
Sa imbestigasyon sa kapolisan sa El Salvador City Police Station sa pagpangulo ni Police Lieutenant Colonel Randy Anito adunay wala pagsinabtanay ni Estoque ug sa iyang kapuyo nga mibiya kaniya.
Ang ayaan nga si Erlinda nagsulti nga nagbahad pa kini si Estowue nga maghikog kung biyaan sa kaipon niini.
Apan ang kapuyo gitinuod ang pagbiya nga gidala pa ilang 3 anyos nga anak.
Gituohang gikasakit og maayo niini ang pagbiya sa kaipon hinungdan naghukom nga magpakamatay na lamang.