PATAY ang lalaki nga angkas sa motorsiklo human nabanggaan og dumptruck niadtong Nobyimbre 13 sa Sayre High-way, Purok 7, Barangay Puerto ning siyudad sa Cagayan de Oro.
Naila ang namatay nga si Romy Mancha, 35, minyo, taga Purok 3-A, Barangay Gusa ning siyudad kinsa angkas sa motorsiklo nga Bajaj nga nagdala sa numero nga 110 nga gimaneho ni Wilfredo Canillo, 25, ulitawo, taga Purok-7, Upper Puerto ning siyudad.
Samtang ang nagmaneho sa dumptruck mao si Allan Lendio, taga Linggangao, Balingasag, Misamis Oriental.
Sa nahipos nga impormasiyon giingong gikan sa Bukidnon ang dumptruck ug nawad-an og preno hinungdan sa bangga.
Ang drayber sa dumotruck kasamtangang detinado sa buhatan sa kapulisan.