Nalzaro: Mga tsika sulod sa City Hall

TUGUTI nga mosulod una ko sa kalibutan nila ni Troy Ciar ug Sir Roger Serna kay kabahin sa tsika kining atong pagahisgot-hisgotan karon sa Cebu City Hall. Kini pinasikad sa atong nakuykuyan diha pinaagi sa atong mga dewende. Pero dili lang kini ordinaryo nga tsika o intriga kay aduna may kamatuoran. Gikan sa kasaligang tinubdan gyud ning atong mga impormasyon.

Malipayon kaayo kining usa ka napiling opisyal karon gumikan kay matod pa mabdos na og pipila ka buwan ang iyang uyab. Mismo ang opisyal maoy nanabi ngadto sa iyang mga suod nga higala. Unya nagbaha pod ang congratulatory messages sa Facebook alang kanila. “Congratulations nila ni Sir M ug Maam M alang sa ilang umaabot nga baby,” matod pa sa mga mensahe sa FB. Gani na-tag ko sa maong mga mensahe og sa ilang hulagway.

Kining ilang estorya sa gugma daw sama sa Iningles pa nga “against all odds” gumikan kay ang mga kabanay ug mga igsuon aning maong opisyal supak sa ilang relasyon sa wala matino nga rason. Gani mihawa na ang maong opisyal sa ilang ancestral house diin siya magpuyo uban sa iyang mga kabanay. Nagpuyo na siya karon uban sa babaye sa usa ka inabangan nga apartment.

Wa may problema kay kining opisyal. Annulled na ang iyang kaminyuon. Nahilambigit kini siya og lain opisyal nga babaye ug laing pulitiko gawas sa dakbayan sa Sugbo. Aw, iya ug ila man nang kinabuhi ug walay labot ang lungsod ani. Basta wala lay mahilambigit nga pundo sa kagamhanan ug dili manghilabot ang babaye sa official functions sa maong opisyal. Congratulations, my friend!

Regalo

Usa sa mga departamento sa City Hall nagbutang og kartula sa ganghaan sa ilang opisina nga “we don’t accept gift.” Aw, okey kaayo kay kining maong buhatan nabaniog na nga daghang mangilkil sa ilang mga kliyente nga mo-apply og building permit. Butangan sab unta nila og “we don’t accept gift except during birthdays and Christmas.” (bobbygnalzaro@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph