CBCP nanawagan og hinabang sa mga biktima sa linog

PANGU sa Catholic Bishops Conference of the Philippines (CBCP), Archbishop Romulo Valles, nanawagan sa mga Sugbuanon sa pagtabang sa mga biktima sa linog sa Mindanao.

Human sa linog, nanawagan si Valles sa mga Sugbuanon nga motabang sa mga biktima, partikular na sa Davao Del Sur ug North Cotabato.

Sa labing uwahing datos, moabot sa 30,000 ka mga pamilya ang apektado sa 15 ka mga LGU ug pito ka mga probinsya.

Matod ni Valles nga bisan dunay mga maisugon nga nibalik sa ilang mga panimay, dili gihapon kini makabalik tungod kay gimarkahan na ang mga luna ug “no build zone”.

“It is still a big number of destroyed houses either partially or totally and even if some of them are brave enough to go home, dili na sila makabalik tungod kay there are many areas declared no build zones. Dako kaayo na nga problema”, matod ni Valles niadtong Nobyembre 13, 2019.

Karong Pasko ug Bag-ong Tuig, posible nga magsaulog sila sa evacuation centers.

“Christmas is approaching and you know, Christmas in evacuation centers is so, so sad. The little thing we would do is to bring help to them”, matod ni Valles.

Lakip sa mga labing gikinahanglan karon sa mga biktima mao ang pagkaon, tubig, ug mga tambal alang sa mga bata.

Samtang, dinhi sa Sugbo nadawat na sa lokal nga kagamhanan ang P20 milyones nga ayuda gikan sa Provincial Government nga personal nga gidunol ni Bise Gobernador Hilario Davide III niadtong Lunes, Nobyembre 11, 2019. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph