ANG guard sa Meralco Bolts ng si Anjo Caram mipabuto og 30 puntos sa dihang ilang gibuntog ang NorthPort Batang Pier, 103-90, aron pagpasolido sa ilang paghupot sa no. 1 spot sa plahoffs sa PBA Governor’s Cup.
Kabahin sa iyang puntos ao ang 16 puntos sa fourth quarter, 11 ka field goal ug upat gikan sa three point area nga maoy nakapabilib ni coach Norman Black.
Tungod niini, ang 28-anyos nga taga Ilo-ilo City maoy napiling PBA Press Corps-Cignal Player of the Week sa Nov. 4-10.
Iyang gipildi ang ubang kandidato sa maong pasidungong ang iyang mga kauban nga sila si Raymond Almazan ug Chris Newsome, Japeth Aguilar sa Barangay Ginebra, Javee Mocon sa Rain or Shine, JR Quinahan sa NLEX, ug ang taga sa San Miguel Beer nga sila si June Mar Fajardo ug Arwind Santos, ug sa Magnolia nga sila si Ian Sangalang ug Paul Lee. (JBM)