SUPERBALITA CEBU

Krusyal nga panagtigi sa PBA: Gins batok Columbian

MGA duwa karon:

4:30 pm. - Phoenix vs. Blackwater

7:00 pm. - Ginebra vs. Columbian Dyip

Ang pagkapyot sa ikaupat nga puwesto sa over-all standing ug ang paglabni og twice-to-beat nga bintaha maoy anaa karon sa alimpatakan sa crowd-favorite Ginebra San Miguel.

Karong gabii ang Ginebra nga may 6-3 nga baraha, mosakbang sa Columbian Dyip sa main game sa double-header sa nagpadayon nga PBA Governor’s Cup sa alas 7 ang takna sa Araneta Coliseum.

Importante ang kadaugan sa Gins ning duwaa sanglit mao kini kanila og kasiguroan nga makaangkon sa bintaha.

Apan gituohan nga, batok sa Columbian, makasinati sila og hugot nga kompetisyon sanglit tinguha usab sa Dyip nga makaipsot sa komplikasyon sa standing.

Sa kasamtangan, ang Dyip nakigsawo sa Alaska Aces ug NorthPort Batang Pier sa ikaunom nga puwesto dala ang 4-6 nga baraha. Samtang sa preliminary game, magsangka ang pulos nangiwit nga Phoenix Fuel Masters ug BlackwaterElite sa alas 4:30 sa hapon.

Wala na man tuoy kuwenta ang maong duwa, apan gusto sa matag habig nga motuldok og impresibong kadaugan sa ilang pagpanamilit sa conference. Ang Phoenix ug Blackwatero pulos mirehistro og 2-8 nga record. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph